2017 - 11 - 21

VII. Jazz-Rock Musika Parkean

willis

Datorren ekainaren 16an, arratsaldeko 19:00etan, musika modernoan oinarritutako kontzertua izango dugu
entzungai. Bertan arituko dira bi talde ezberdinak: batetik, musika eskolako Jazz-Rock taldea eta bestetik
Eibar eta Azkoitiko gazteen artean osatutako “Hikara” rock taldea. Kontzertu hau, eguraldiak laguntzen badu, behintzat, Musika Eskolako parkean ospatuko da; eguraldia txarra izango balitz, Kontzejupean egingo litzateke.
Bi talde hauen partaidetzarekin, musikaren  tendentzia edo joera berriei ere bere garrantzia ematea nahi
zaio. Egun, gazteen artean, batik bat, musika mota arlo honetan zaletasun handia nabaritzen baitute.

Hona hemen bi taldeen osaera:

Musika Eskolako JAZZ-ROCK Taldea
Flauta – Enaitz Mugarza / Klarinetea – Unai Altuna / Saxofoia – Maite Beristain eta Ismael Conde / Tronpeta -
Unbe Etxaniz / Tronboia – Iñigo Etxaniz / Teklatu baxua -Elizabet Larrañaga / Teklatua – Marijose Arregi,
Bateria – Xabier Arrieta, Iban Guinearen gidaritzapean.

HIKARA Rock Taldea:

Ahotsa – Aroa Rojas / Gitarra eta ahotsa – Josu Agirre / Gitarra – Eric Deza / Baxua -
Alex Etxeberria / Bateria – Koldo Sagarzazu.
Bizkargi Musika eta Dantza eskolako ikasle eta irakasleen izenean herritar guztioi gonbidapena luzatu nahi
die emanaldi honetara hurbil ditzaten.

SAXATAK SoundLAB 2011

SaxPubli

SAXATAK, soinuari dagokion sorkuntza lan taldeak, udara honetarako ikastaro bat antolatu du haize-zurezko eta haize-metalezko musika tresnen inguruan mugitzen diren musikarientzat.
Ikastaro hau Azkoitiko Kukuherri aterpetxean ospatuko da, 2011ko uztailaren 9tik 15era (biak barne).
Informazio gehiago: www.saxatak.com

IKASLEEN ENTZUNALDIA

P1010386

BIZKARGI Musika eta Dantza Eskolako ikasleek, datorren asteartean,  (maiatzak 31) hirugarren hiruhileko ekintzen barne, Elkarguneko areto txikian entzunaldi bat eskainiko dute.
Ekitaldia, arratsaldeko 18:30etan hasiko da. Bertan, musika tresna ezberdinen doinuak  izango dira entzungai: txalaparta, pianoa, akordeoia, klarinetea, saxofoia, gitarra, trikitixa, e.a.
Musika eta Dantza Eskolako irakasleek, bai ikasleei, bai gurasoei, baita herritar guztiei ere gonbidapena luzatu nahi die saio honetara hurbil ditzaten.

Euskadiko Orkestra Sinfonikoa

OSE

Datorren ostiralean, maiatzak 27, arratsaldeko 19:30etan,  BAZTARTXO Antzokian Euskadiko Orkestra Sinfonikoaren  kontzertua entzuteko aukera izango dugu. Emanaldi hau,  20. Udaberriko Musikaldian barne dago eta Gipuzkoako Foru Aldundiaren eta Azkoitiko Udalaren babesarekin antolatu da.

Orkestra 1982ko apirilean sortu zen, Eusko Jaurlaritzaren Kultura sailak sustatu eta garatua. Andrés Orozco-Estrada da Orkestraren zuzendari titularra eta Andrey Boreyko, berriz, zuzendari printzipal gonbidatua.

Azkoitia da Euskadiko Orkestrak gehien bisitatu duen herrietako bat. Lehenengo aldia 1982an izan zen, orkestraren hastapenetan, lehenengo zuzendari izan zen Enrique Jordárekin, zeinaren jaiotzaren mendeurrena ospatu dugun duela gutxi. Orduz geroztik, hainbat programa eta formaturekin itzuli izan da Orkestra. Oraindik gogoan izango dute azkoitiarrek Andra Mariaren elizan 2007an wayne Marshallek eman zuen organo errezitaldi hura.Oraingoan ere, lehen eguneko ilusio berberarekin dator, Orkestrako kide diren Bruno Claverie eta Pascal Laffont bakarlariekin eta Howard Griffiths zuzendari gonbidatuarekin.

MUSIKALDI 2011

musikaldi

MUSIKALDI izenburua duen jaialdi berezi hau, (EHME) Euskal Herriko Musika Eskolen Elkartearen ekimenen artean sortutakoa da. Bi urtetik behin antolatzen da eta aurten,  lehenengo aldiz, Araban ospatuko da maiatzaren 21ean.

GASTEIZko hirian, Euskal Herriko Musika Eskoletako ikasle, irakasle, guraso eta bereziki Gazteiztar guztiek, musikaz eta dantzaz girotutako egun berezi bat pasatzeko aukera izango dute. Zazpi eszenatokietan bananduta, 2.500 ikaslek parte hartuko dute mota ezberdinetako musika eta dantza eskainiz.

Aurkezpena, Gasteizko Plaza Berrian egingo da, goizeko 10:15etan eta ondoren taldeen emanaldiei  hasiera emango zaie eguerdiko ordubiak arte.

“Bizkargi” Musika eta Dantza eskolako ikasleen saioak bi eszenatokietan bananduko dira:
Batetik, FLORIDA PARKEAN – 12:00etan, musika modernoan aritzen diren gazteen bi taldeek lau tema eskainiko dituzte:
Jet-en “Are you Gonna be my girl”, Bob Dylan-en “Knockin on heavens door”, Kiss-en “Love Gun” eta The Clash-en “Should I stay or Should I go”.
Bestetik, AIHOTZ PLAZAN, 11:00etan, Dantzariak, Gipuzkoako dantzen artean, aurreskua, brokel makilen dantza, uztai txiki, alpargata, fandango, arin-arina eta zinta dantza eszenaratuko dituzte.

Musikaldira joan behar duten ikasleei zera adierazten zaie:

Autobusaren irteera – “Aizkibel”  liburutegiaren aurrean, goizeko 8:00etan.

Itzulera – Gasteiztik 15:20an aterako gara.




Kontzertua Sta. Kutz Komentuan

MUSIKALITE

Datorren larunbatean, maiatzak 21, arratsaldeko 18:30etan,  Azkoitiko Sta. Kutz Komentuan, “Musikalité”  haize-metalezko taldearen eskutik, kontzertua entzuteko aukera izango dugu. Emanaldi hau,  20. Udaberriko Musikaldian barne dago eta Gipuzkoako Foru Aldundiaren eta Azkoitiko Udalaren babesarekin antolatu da.
Musikalité taldea, Musikene Euskal herriko Goi mailako Musika ikastegian sortu zen 2008an, ganbera musikako ikasgaia zela eta, Alberto Urretxo irakaslearen eskutik. Gaur egun ere irakasle horrekin jarraitzen du aipatutako zentroan.

Errepertorio zabala du, barrokotik hasi (Bach edo Haendel) eta gaur egungo musikaraino (Juan Jose Colomer). Musikaliték Donostiako hainbat musika jaialdietan parte hartu du eta baita euskal Herrikokontzertu ugaritan ere. 2010eko maiatzean, Benidorm (Valentzia) antolatutako Valeriano Machi Esparza metal boskoteentzako lehiaketan lehen saria eskuratu zuen. Horren ondoren bi emanaldieskaini zituen Valentzian. Azaroan finalerdira heldu zen Montserrat Alavedra ganbara musikaren lehiaketan (Terrassa, Bartzelona).

Hona hemen talde hau osatzen duten musikariak:
Manuel Dávila  eta Marcos García – Tronpeta / Mario Fuertes – Tronpa / Patxi Eseverri -Tronboia eta Cristian Pérez – Tuba.

Kontzertua-Sta. Kutz Komentuan

Perianes

Bihar larunbata, maiatzak 13 eta arratsaldeko 18:30etan,  Azkoitiko Sta. Kutz Komentuan,
JAVIER PERIANES-en eskutik, paregabeko piano kontzertua entzuteko aukera izango dugu. Emanaldi hau,  20. Udaberriko Musikaldian barne dago eta Gipuzkoako Foru Aldundiaren eta Azkoitiko Udalaren babesarekin antolatu da.
Nervan (Huelva) jaioa 1978an, ohikoa egin da bere izena nazioarteko jaialdi garrantzitsuenetan, esate baterako Santander, Granada, Canarias, Peralada, Donostia, Ravinia, Gilmore (Chicago), La Roque D´Anthéron eta Berlingo Kontzerhaus delakoan.
Halaber, mundu zabaleko kontzertu areto ospetsuetan ere jardun du: Auditorio Nacional (Madril), Palau de la Musica (Bartzelona), Palau de les Arts Reina Sofia eta Palau de la Musica (Valentzia), Carnegie Hall (New York), Wigmore (Londres), Concertgebouw (Amsterdam), Mosku eta Shangaiko musika kontserbatorioetan.
Izen handiko orkestra zuzendariak izan ditu ondoan, adibidez, Daniel Barenboim, Rafael Frübeck de Burgos, Zubin Mehta, Daniel Harding, Jesús López Cobos, Lorin Maazel, Libor Pesek, Vasili Petrenko eta Antoni Wit. Aurtengo denboraldiko bere konpromisoak betetzeko, Josp Ponsen zuzendaritzapeko BBCren orkestra sinfonikoarekin, Hiroshi Kodamak zuzendutako Tokioko sinfonikarekin, Claus Peter Florrek zuzendutako Varsoviako filarmonikarekin eta Zubin Mehtak
zuzendutako Israelgo filarmonikarekin (lehen aldiz) joko du, Lucernako jaialdia ahaztu gabe. Gainera Zuricheko Tonhallen, Tokion eta Moskun (abendu gauetako jaialdia) arituko da.
Gogo biziz hartu dituzte nazioarteko kritikariek Harmonia Mundirekin ateratako diskoak.
Azkenaldian grabatutakoen artean Monpouren Musica callada eta Schuberten
Impromptus eta Klavierstücke lanak entzun ditzakegu. Dikografia horretarako egindako
lan berrienak Manuel Blasco de Nebraren sonatak dira.

AZKOITIKO 37. Dantzari Txiki eguna

DanTxiki

Datorren igandean, maiatzaren 8an, urtero bezalaxe, “Bizkargi” Musika eta Dantza eskolako ikasleek parte hartuko dute, Azkoitiko  Udalaren babesarekin, herriko “Txalkor” Txistulari Taldeak antolatzen duen Dantzari Txiki egunean.
Protagonistak, herriko haurrak izango dira. Partehartzaileak: “Floreaga” Ikastetxeko eta “Xabier Munibe” Ikastolako KANDIOLA Dantza taldeek eta BIZKARGI Musika eta Dantza Eskolako ikasleek.

EGITARAUA:

•    11:00etan – DANTZARIEN BILKURA, Julio Urkixo etorbiedan eta ondoren kalejiran  talde guztiak Herriko Enparantzara.
•    12:00etan – Herriko Enparantzan AGURRA eta AGINTARIENA dantzatuko dira. Ondoren, kale nagusian zehar dantzen erakustaldia.
•    13:15etan, Herriko Enparantzan, dantza talde guztien DANTZA ALARDEA.

Beraz, herritar guztiok musikaz eta dantzaz girotutako egun alai bat pasatzeko aukera izango dugu.