2017 - 11 - 21

Ikasturte amaierako Jaialdia

jaialdi

Ekainaren 15ean, arratsaldeko 19:00etan, Bizkargi Musika eta dantza eskolako ikasleen eskutik, aukera izango dugu musikaz eta dantzaz gozatzeko ikasturte amaierako Jaialdian.
Ekitaldia hau Baztartxo Antzokian izango da eta bertan parte hartuko dute, I. mailako ikasle guztiak, 3-4 urtetik hasi eta 6-7urterartekoak.
Horrez gain, II. mailako ikasleen artean prestatutako ondorengo saioak izango ditugu entzungai: musika eta dantza herrikoiak, rock taldeak, Saxo eta Klarinete taldea, Trikitixa Taldea, Flauta Taldea eta amaitzekoAbesbatza eta dantzariak ere elkarlanean arituko dira.
Musika eta Dantza eskolako irakasleek, bai ikasleei, bai gurasoei, baita herritar guztiei ere gonbidapena luzatu nahi die jaialdi honetara hurbil ditzaten.

Musika Hezkuntza Goiztiarra (0-3 urte)

zeharkaGoiztiarra2

Datorren ikasturterako, berriro ere eskaintza, adin gutxiko umeentzat zuzenduak izango dira Musika Tailerrak: 0-3 urte artekoentzat. Guraso batekin lagunduta, haurrak zenbait arlotan, musikaren bidez, estimuluak jasotzeko aukera izango du. Jaio eta gero ere, xedea, gurasoekin erlazioa indartzea baita.
Musika Tailer hauekin hainbat onura lortzeko bidea eskainiko die musikak umeei. «Musika umearekin bakarrik egoteko momentu bat izan daiteke gurasoarentzat». Harremanak indartu eta erlazio estua egiteko baliagarria izan daiteke.
Haurrak, zenbait estimulu jasotzen ditu musika tailerretan: adimenezko trebetasunak garatzen ditu, psikomotrizitatea lantzen du, garapen integrala, azken batean. Pixkanaka, haurrek ez ezik, gurasoek ere hainbat gauza ikasten dituzte; beraien seme edo alabarekin nola jolas egin behar duten, zein kantu mota diren egokienak, nola hitz egin behar zaien, e.a. Beraz, formazioa amak edo aitak ere jasotzen du.
Musika Tailer hauek, musikaria eta musikoterapeuta den Nerea Goikoetxearen eskutik jasotzeko aukera izango dute interesa duen guztiak.
Ekainaren 14an, 15:00etan, Musika Eskolan, 5. gelan, gai honi buruz informazioa eramango du irakasle berak. Ordutegiak, taldeak. e.a.
Matrikulazio epea ekainaren 21arte irekita egongo da.

Asier Ibarguren eta Garazi Gurrutxaga Txapeldun

AsierGarazi2012

Igandean, maiatzaren 27an, ospatu zen Bergaran XXXV. bikote gazteen dantza txapelketa, bertan 14 bikotek parte hartu zuten eta Bizkargi Musika eta Dantza Eskolako ikasle diren Asier Ibarguren eta Garazi Gurrutxaga osatzen duten bikoteak lehen postua lortu zuten, horrela bigarren urtez jarraian lortzen dutelarik Euskadiko Txapelketa, larunbatean Lezon ospatu zen txapelketan ere lehen postua lortu zuen bikote honek.. Beste bikoteak Ioritz Galarraga eta Laura Olaizolak osatzen dutenak 3. postua lortu zuten bertan.
Zorionak laurei orain arte egin duten lanarengatik eta baita, Aitor Sorazu, beraien irakasleari ere.

Erdi-mailako ikasleen Kontzertua

KONTZERTU

Maiatzaren 25ean, Bizkargi Musika Eskolako ikasleek Azpeitiko Juan de Antxieta Musika Eskolako ikasleekin elkarturik Kontzertu berezi bat emango dute Elkarguneko areto txikian. Kontzertu honetan, bakarlarien artean,  bi ikasleek,  Donostiako Kontserbatorioan ere partekatzen dituzte beraien ikasketak: Ane Alberdi eta Jon Altunak, hain zuzen ere, eta Alain Sorazu, Azpeitiko Musika Eskolatik dator; baita, Txistulari Taldea ere, eta aipatu behar da, aurten Hernaniko Gazteen Txistularien Txapelketan irabazle izan direla. Piano laguntzaile lanetan, Itziar Beitia izango dugu gure artean.
Herritar guztiei gonbidapena pasatzen diegu kontzertu honetara hurbil ditzaten. Gazte hauen lanak eta ahaleginak, benetan, eskerrik onena jendearen babesa eta txaloak izango baitira.

Allegro Mosso-Italia

Italia

Italian, Emilia-Romagna-n, Europear Musikari Gazteen Jaialdian parte hartu duten gazteek iritsi dira Euskal Herrira.

Italian, Europako 25 herrialdeetako 4500 gazteek, ekitaldi handi honetan protagonistak izan dira. Euskal Herriko Musika Eskola ezberdineetatik 100 musikarI baino gehiagok pate hartu dute bertan eta aukera izan dute beraien errepertorioko musika eta baita, musika eta dantza elkarturik ere aurkezteko. Talde-mota hauek eraman dituzte: *Euskal Musika tresnak eta Euskal Dantza, txalaparta, txistu, alboka, trikitixa, panderoa, e.a. Bertan parte hartu dute “Bizkargi” Musika eta Dantza Eskolako bi txalapartariak:  Ion eta Unai Artola eta Beñat Ucin, atabalariak.

Jaialdiaren hasierako zeremonia maiatzaren 17an izan zen, 21:00etan Ravennan-n, “Luigi Cherubini” izendatzen den gazte Orkestra batekin. Zuzendaria, Wayne Marshall, pianista ere bezala ezagutzen duguna eta egun horretan, Gerwsing-en errepertorio aurkeztu ondoren hainbat filmeetako musikak interpretatu zituzten.

Egunero, kontzertu ugariak entzuteko aukera izan dute Emilia-Romagna-ko bailaran: Comacchio, San Leo, Castrocaro, Mesola, Bellaria, Riccione, Cesena, Rimini, Cervia,e.a.…. eta amaitzeko Cesena-n ospatu zen amaierako Kontzertu Erraldoia, larubatean, maiatzaren 19an, 21:00etan. Harrera jendetsuarekin, klausurako zeremonia ospatu zen. Kontzertu handi honetan parte hartu zuten Goran Bregovic eta “The Wedding & Funeral Band“-ak.

Kontzertuan, Emilia Romagna-ko musika eskoletako ikasleek parte hartu zuten orkestra handi batekin, Mirco Besuttiren gidaritzapean. Elkarlanean, beste 80 ahotseko abesbatza ere, “Ludus Vocalis”, Elisabetta Agostiniren gidaritzapean.

Jaialdia handia, bai, izan da. Gazteek, 200 musika taldeekin elkarlanean musikaz aritu dira, egunerokotasunean hainbesteko garrantzia duen gai honetan.

Bizkargi abesbatza Donostian

olatu, talka, donostia, bizkargi, abesbatza

olatu, talka, donostia, bizkargi, abesbatzaMaiatzaren 12an, larunbatean, Bizkargi Abesbatzak parte hartu zuen Donostian, Olatu Talka egitasmoaren barne antolatutako KONTZERTU ERRALDOIAN. Kontzertu honetan, partaidetza ugaria izan zen: Gipuzkoaldeko musika eskoletako gazte eta helduen abesbatzek, Banda, Kresalako dantzari gaztetxoak eta Txirri, Mirri Txiribitonen partaidetzarekin jaialdiak amaiera bikaina izan zuen. Publikoa ere animatu zen abesti ezagunetan parte hartzen, txaloka eta abesten hainbat abesti ezagunetan.

38. Dantzari txiki eguna igandean

dantzari

Maiatzaren 13an, igandean,  urtero bezalaxe, “Bizkargi” Musika eta Dantza eskolako ikasleek parte hartzen dute, Azkoitiko  Udalaren babesarekin, herriko “Txalkor” Txistulari Taldeak antolatzen duen Dantzari Txiki egunean.
Protagonistak, herriko haurrak izango dira. Partehartzaileak: “Floreaga” Ikastetxeko eta “Xabier Munibe” Ikastolako KANDIOLA Dantza taldeek eta BIZKARGI Musika eta Dantza Eskolako ikasleek.

EGITARAUA:

•    11:00etan – DANTZARIEN BILKURA, Julio Urkixo etorbiedan eta ondoren kalejiran  talde guztiak Herriko Enparantzara.
•    12:00etan – Herriko Enparantzan AGURRA eta AGINTARIENA dantzatuko dira. Ondoren, kale nagusian zehar dantzen erakustaldia.
•    13:15etan, Herriko Enparantzan, dantza talde guztien DANTZA ALARDEA.

Beraz, herritar guztiok musikaz eta dantzaz girotutako egun alai bat pasatzeko aukera izango dugu.

V.Hamaikasax eguna Mungian igandean

KARTELAweb

Maiatzaren 13an, igandean, V.HAMAIKASAX eguna ospatzen da MUNGIAN eta bertan Musika Eskolako  hainbat ikasleek parte hartzen dute. Bilkura hau, urtero herri ezberdinetan antolatzen da eta aurtengoan Bizkaia aldera bideratu da. Kalejira batekin hasiera emango zaio ekitaldi hauei. Bazkaldu ondoren, ikasle guztien artean, andra Mari aretoan Kontzertu bat emango dute (sarrera doan).  Partehartzaileak, 12 herri ezberdinetako ikasleek  izango dira. Guztira, 200 ikasle inguru bilduko dira egun berezi honetan.
Emanaldi honetako antolatzaileak dira: Hamaikasax Saxofoi taldea eta Santos Intxausti Mungiako Musika Eskola. Laguntzailea: Mungiako Udala.

“Bizkargi” abesbatza Donostira larunbatean

abesbatzaTopaketa

Bizkargi Abesbatzak parte hartu zuen igandean Donostian, Olatu Talka egitasmoaren barne antolatutako KORUEN TOPAKETAN Gipuzkoaldeko beste hainbat taldeekin.
Hurrengo txanda, datorren larunbatean izango da, maiatzaren 12an. Donostian baita, eta oraingoan Kataluina Plazan, arratsaldeko  18:30etan. Kontzertu erraldoia, Gipuzkoaldeko abesbatzek  eta Banda elkarlanean, Juan Jose Ocon-en gidaritzapean.

Entzunaldien amaiera

tronboIkas

Maiatzaren 3an ospatutako emanaldiarekin Bizkargi Musika eta Dantza Eskolak amaiera eman dio urtean zehar hilero antolatzen diren ikasleen entzunaldiei. Kontzertu hauek Elkarguneko areto txikian entzuteko aukera izan dute, bai eskola bertako ikasle eta gurasoek, baita herritar guztiek ere.
Bestalde, ikasturte hau amaitu baino lehen, ikasleek parte hartuko dute ekintza mota ezberdinetan. Hona hemen ekitaldi hauen datak:

-maiatzaren 6an eta 12an Olatu Talka egitasmoaren barne, Bizkargi Abesbatzak parte hartuko du Donostian antolatutako bi Kontzertu Erraldoietan.
-maiatzaren 13an, Saxoko ikasleek parte hartuko dute Mungian antolatu den Saxofoi Topaketan.
-maiatzaren 13an, baita eta Azkoitian, Bizkargi Dantza taldeak parte hartuko du Dantzari txiki egunean antolatu diren ekintzetan.
-maiatzaren 16tik 20ra,
Italian, Europako Musikari gazteen jaialdian Musika Eskolako txalapartari bikote batek parte hartuko du: Unai eta Jon Artola anaiak. Baita, Beñat Ucin Zubeldiak ere, atabalaria bezala.
-maiatzaren 25ean, Elkarguneko areto txikian, 19:00etan, erdi mailako ikasleekin Kontzertu berezi bat prestatu da. Bertan, Azpeiti eta Azkoitiko musika eskolako gazteen partaidetza izango dugu aukeran. Batetik,  bakarlariak: Txistu – Alain Sorazu / Flauta – Ane Alberdi /  Akordeoia – Jon Altuna eta bestetik,  taldean, AzpeitikoTxistulari taldea Azkoitikoekin elkarlanean arituko dira.
Piano laguntzaile bezala: Itziar Beitia.
-ekainean 15ean, Baztartxo Antzokian, ikasturte amaierako Jaialdia, 19:00etan.
-ekainaren 23an, San Juan suan inguruan, dantzariak parte hartuko dute V. Zatoz dantzara Balda plazara ekitaldian.