2019 - 11 - 22

2012-13ko Ikasturtea

ikasturte berri

Irailaren 6an “BIZKARGI” Musika eta Dantza Eskolak 2012-13ko ikasturte berriari hasiera emango dio:
Musika Hezkuntza Goiztiarra (0-2 urtekoentzak), Musikoterapia (adin guztientzat eta haurdunentzat), Musika eta Dantza Tailerrak (3 urtetik aurrera), Abesbatzak, Musika Hizkuntza, Harmonia eta Musika Tresna ezberdinak.
Irailean 3, 4 eta 5ean berriro irekiko da epea, matrikulatu nahi duenarentzat baina bakarrik plazak libre dauden gaietarako. Informazio gehio nahi izan ezkero, posta elektronikoaren bidez eskatu dezake: bizkargi@bizkargimusikaeskola.com eta lehenbailehen erantzuna eramango zaio.
Ondorengoa da 2012-13ko egutegia:

2012 JAIALDIA

jai600

2012 ekainaren 16an ikasturte amaierako Jaialdia izan genuen Baztartxo antzokian.

Ikasturtean zehar egindako lanaren  emaitza ikusi ahal izan genuen .  Bi hitzetan, musika eta dantza. Baina pena da bi hitzetan soilik uztea:  trikitilariak, rock taldeak, txalaparta, saxofoi eta klarineteak,  orkestra,  korua, dantzariak – txikiak, handiak-  ikusi eta entzun genituen. Eta aurten, zerbait aipatzekotan,  dantza eta musika uztartuz egindako koreografia:  “Amets bat”  . Izena bera ere aproposa!

Hondarribiko Deklarazioa

paradorea

Datorren astelehenean Hondarribiko Paradorean, arratsaldeko 7etan sinatuko da Hondarribiko Deklarazioa: Garapen iraunkorraren  XXI. mendeko gizarterako arte-hezkuntza. 2006ko martxoaren 6tik 9ra Lisboan izan zen Arte-hezkuntzari buruzko Munduko Konferentzia. Bertan, ibilbide-orrian ezarri zen XXI. mendera begira sorkuntza-gaitasuna eta kultur kontzientzia sortzeko beharrizana.

Seulen egin zen bigarren konferentzian, 2010eko maiatzaren 25etik 28ra, nabarmendu zen arte-hezkuntzak funtzio garrantzitsua daukala hezkuntza-sistemen egiturazko eraldaketan. Garapen iraunkorrerako hezkuntzari buruz 2011ko ekainaren 5ean Bonnen egin zen Deklarazioan, politikak berriro formulatzeko deia egin zen, iraunkortasunerako hezkuntzari dagokionez kontzientzia eta ulermena lantzeko, betiere kultur aniztasuna errespetatuz. Arlo honetan hartutako konpromisoa berretsi nahian, Eusko Jaurlaritzak,  Donostia/San Sebastián 2016k, Euskal Herriko Musika Eskolen Elkarteak (EHME) eta Europako Musika Eskolen Elkarteko Presidium-ak  (EMU) sinatuko dute Deklarazio berri hau, Hondarribiko Deklarazioa.

Euskal Herriko Musika Eskolen Elkarteak, EHME-k, elkarturik dauden Musika Eskoletako zuzendariei eta baita hainbat musikariei ere, gonbidapena pasatu die ekitaldi honetan parte hartzeko. Erantzuna, datorren ostirala 29a baino lehenago eman behar da, elkartera deituz edo posta elektronikoaren bidez: ehme@ehme.eu

Ikasleen kontzertua, Xirikatzen kultur astean

orkestra12

Igandean, ekainaren 24an, eguerdiko 13:00ean Bizkargi Musika Eskolako ikasleek protagonistak izan ziren, berriro ere,  Kontzejupean eskainitako Kontzertuan.
Xirikatzen Kultur astean barne antolatu zen ekitaldia. Txalaparta joaldiarekin hasi ondoren, flauta taldea, saxo eta klarinete taldea, trikitixak, txistu, akordeoi eta orkestrak parte hartu zuten.
Amaiera emateko, Iraurgi Abesbatzako abeslariekin eta publikoarekin elkarturik  Mikel Laboaren “Txoria  txori” abestu zuten.

V. Zatoz dantzara Balda plazara

sanjuan2012

San Juan gauean, ekainaren 23an, Azkoitian, gure herrian, beste askotan bezalaxe sutzar handia egiten da gaua heltzean. Gau berezi horretan musika eta dantza elkarlanean, protagonistak izango ditugu. Lehenik, kalean zehar herriko dantzari gaztetxoek protagonistak izango dira  ondorengo programazioarekin: arratsaldeko 19:45etan Musika Eskolako parkean, herriko dantzari gazte taldeen bilkura. 20:00etan Kalean zehar, guztiak dantza saio ezberdinak egingo dituzte. 20:45etan BALDA PLAZAN dantzari  guztiek elkarturik dantzatuko dute 21:30ak arte.

- Agurra
- Agintariena
- Makil Txiki Jokoa
- Zinta Dantza
- Txulalai
- Zazpi Jautsiak
- Fandangoa eta arin-arina
- Kalejira.

Bestalde, gauean, hamarrak inguruan, Balda Plazan, suaren piztuera egingo da. Sahatsa Dantza Taldea, Iraurgi eta Parrokiko abesbatza Musika Bandaren laguntzarekin doinu herrikoiak abestu eta dantzatuko dituzte.
BIZKARGI Musika eta Dantza eskolako ikasleen eskutik,  V. Zatoz dantzara Balda plazara izendatzen den dantza saioa hasiko da. Dantzazale guztiek , Aitor Sorazu, dantza-maisuaren gidaritzapean aukera izango dute herrikoi dantza ezberdinak ikasteko.

Hurbil zaitezte Balda Plazara eta musikaz eta dantzaz girotutako gauean har ezazue parte!

Gipuzkoako 57. Dantza solteko Txapelketa

JoritzLauragipuzkoa

Larunbatean, ekainaren 9an, ospatu zen Trintxerpen 57. Dantza solteko txapelketa, bertan Bizkargi Musika eta Dantza Eskolako ikasle diren Asier Ibarguren eta Garazi Gurrutxaga bikoteak lehen postua lortu zuten. Bigarren postua  Ioritz Galarraga eta Laura Olaizolak osatzen duten bikotearentzat izan zen.
Zorionak laurei orain arte egin duten lanarengatik eta baita, Aitor Sorazu, beraien irakasleari ere.