2019 - 11 - 14

“PERU eta OTSOA”, izugarrizko arrakasta

Peru3

Igandean, Musika Banda eta Musika Eskolako ikasleek elkarturik, “PERU eta OTSOA” Ipuin Musikala aurkeztu zuten ELKARGUNEKO ARETO NAGUSIAN. Izugarrizko arrakasta izan zuen emanaldi honek, inoiz baino haur eta gaztetxo gehiagok parte hartu zutelarik. Imanol Garcia eta Ivette Lizarraldek dinamizazio lan bikaina egin zuten eta nola ez bada, aipatu beharra dago Ismael Conde Bandako zuzendariaren inplikazioa haur txikiengana gerturatzeko; betidanik ezagutzen dugu musikari eta baita zuzendari lanetan baina atzokoan, antzezlari lanean ere aparteko gaitasunak dituela nabarmendu zen.
Bestalde, Musika Eskolako gaztetxoentzat ere aukera paregabea ekimen honetan parte hartzea;  familia ezberdinetako musika tresnak jo zituzten: sokazkoak, haize-egurrezkoak, haize metalezkoak eta perkusiozkoak. Horretarako, aipatu beharra baita Gorka Errezil – musika eskolako orkestrako zuzendariaren lana, bi taldeen arteko lotura izan baita ekimen hau.

Biolinjoleen Entzunaldia Elkarguneko areto txikian

BIOLINA

BIZKARGI Musika eta Dantza Eskolako ikasleek, urtarrilaren 24an, ostirala, arratsaldeko 6:30etan, bigarren hiruhileko lehen Entzunaldia eskaini zuten. Elkarguneko areto txikian, biolinjoleak ikusi eta entzuteko aukera izan genuen. Errepertorioa estilo ezberdinarekin, batik bat klasikoa baina baita euskal doinuak eta gaur egungo doinu ezagunak ere. Formatua izan zen, bai bakarkakoa eta baita talde txikiak eta pianoaren laguntzarekin ere. Hona hemen egitaraua:

MUSIKOTERAPIA – Behar bereziak dituztenentzat

kartel BEREZI

Jakina da gaur egun, musikak dituen onura terapeutikoak. Gorputz eta arima sendagai bezela erabiltzen da kasu askotan. Azken ikerketek aditzera ematen duten bezela, musikak nerbio-sistema zentralean eragiten du eta ondorioz, endorfina maila gehitzen du, hala nola, beste neurotransmisore batzuena bezela; dopamina, azetilkolina eta oxitozinarena.
Endorfinei buruz ikertu da, bizitzarekiko motibazioa eta energia ematen dutela, zoriontasuna eta poza gehitu, minaren gutxitzea dakartzatela eta ongizate sentsazioa bultzatzen dutela. Musikak sortzen duen aberastasun emozional eta pozak, sustantzi kimiko sendatzaileak sortzen ditu  gorputzean, honek bere anestesiko propioak sortuz. Honez gain, expresio bide ezin hobea da komunikazio zailtasunak dituztenentzat. Mundu afektibo eta emozionaleraino joateko ahalmena duelako. Musikoterapiak barne mundu zoragarri hau goxatzeko eta ulertzeko aukera ematen du. Musika guztiontzat da.
Bizkargi Musika eta Dantza Eskolak Behar Berezia dutenentzat  aukera paregabea eskaintzen du Musikoterapia tailerrak eskura jarriz. Izen-emate epea irekita dago urtarrilaren 31arte. Informazio gehiago 943851070 tfnora deituta.

Intsaustin bi intxaurrondo landatzea

intxaurre

Joan zen ostegunean, urtarrilaren 16an, Intsaustin bi intxaurrondo landatu ziren, Euskalerriaren Adiskideen Elkarteko urtemuga ospatzen dela eta. Ekimen honetara hurbildu ziren, Elkarteko kide eta kultur arloko hainbat lagun, herritarrak eta kanpotarrak ere.
Kanpai hotsek iragarri zuten eguerdian egin zen ekitaldi sinboliko honetan eta Musika Eskolako txistularien doinuen artean landatu zituzten zuhaitzak.

PERU eta OTSOA – Ipuin Musikala ELKARGUNEAN

Kartela Banda+MusikaEskola3

Azkoitiko Musika Banda eta Musika Eskolako Orkestra elkarturik, KONTZERTU PEDAGOGIKO bat prestatu dute eta eskainiko digute datorren igandean, urtarrilaren 26an, ELKARGUNEKO Areto Nagusian, eguerdiko 12:30etan. Helburu garrantzitsuena, ikasleei musikaren mundu zoragarria ezagutzeko aukera ematea da eta horretarako aurkeztuko zaizkie Musika Bandako eta Orkestrako musika tresna ezberdinak, “PERU eta OTSOA” ipuin musikalaren bidez.

Musika Eskola gisa, ikasleei zuzenduriko ekintza hauek oso interesgarriak direlakoan gaude, ikasleek ezagutzen baitituzte musika tresna ezberdinen soinuak. Beraz, ekimen hau, etorkizunean aukera instrumental egokiagoa lortzeko baliagarria izan daiteke. Kontzertua, batik bat 2-3 urte / 9-10 urte bitarteko haurrei zuzendurik dago baina egia esan, adin guztietako erakargarria izan daiteke. Kontzertu hau, elkarreragilea izango da,  gazte talde batek dinamizatuta eta beraien lana publiko gaztetxoen parte-hartzea lortzea izango da. Horrez gain, ikus-entzunezko proiekzioa egongo da.

Data: 2014ko urtarrilaren 26an (igandea)      /  Kontzertuaren iraupena: 45’