2017 - 11 - 21

VIII. Zatoz dantzara Balda plazara-San Juan gauean

San Juan Sua

San Juan gauean, ekainaren 23an asteartean, Azkoitian, beste herri askotan bezalaxe sutzar handia egiten da gaua heltzean. Gau berezi horretan musika eta dantza elkarlanean, protagonistak izango ditugu. Lehenik, kalean zehar herriko dantzari gaztetxoek protagonistak izango dira ondorengo programazioarekin: arratsaldeko 19:30etan Musika Eskola zaharreko parkean, dantzarien bilkura. 19:45etan Kalean zehar, dantza saio ezberdinak egingo dituzte BALDA PLAZARA bidean. Ondoren, BALDA PLAZAN dantzari guztiek elkarturik dantzatuko dituzte haibat dantza. Emanaldi hau 20:30etan amaituko da.
Bestalde, gauean, hamarrak inguruan, Balda Plazan, suaren piztuera egingo da. Sahatsa Dantza Taldea, Iraurgi eta Parrokiko abesbatza Musika Bandaren laguntzarekin doinu herrikoiak abestu eta dantzatuko dituzte.
BIZKARGI Musika eta Dantza eskolako ikasleen eskutik, VIII. Zatoz dantzara Balda plazara izendatzen den dantza saioa hasiko da. Dantzazale guztiak , Aitor Sorazu, dantza-maisuaren gidaritzapean aukera izango dute herrikoi dantza ezberdinak ikasteko.
Hurbil zaitezte Balda Plazara eta musikaz eta dantzaz girotutako gauean har ezazue parte!

Trikitixa Entzunaldia

16692487525_7e65803bc9_o

Ekainaren 18an, ostegunean, arratsaldeko 6:30etan hirugarren hiruhileko entzunaldiei amaiera emateko, trikitixa ikasleek entzunaldi txiki bat eskainiko dute. Bertan arituko dira baita, panderojoleak. Entzunaldi hau, Elkarguneko “Oteiza” aretoan ospatuko da. Bestalde, musika eskolako ikasleen azken emanaldia, San Juan bezperan izango da BALDA PLAZAN, VII. Zatoz dantzara BALDA plazara ekintzarekin, Aitor Sorazuren gidaritzapean. Guztiok gonbidatuta zaudete.

3. Hiruhileko azken entzunaldiak

teklatu

Hirugarren hiruhileko entzunaldiei amaiera emateko bi saio falta dira. Lehelena, ekainaren 16an (asteartea) ospatuko da, teklatu taldeetako ikasleen entzunaldiarekin. Lekua: Elkarguneko “Oteiza” aretoa, arratsaldeko 5:30etan. Eta bigarrena, Trikitixako ikasleen entzunaldia, ekainaren 18an (osteguna)  arratsaldeko 6:30etan eta areto berean.

DANTZA JAUZIAK PLAZAN

DANTZA JAUZIAK

Dantza jauziak edo mutxikoak egingo dituzte gaur, ostirala, 19:30ean, Azkoitiko enparantza nagusian.  Bizkargi musika eskolako ikasleek antolatu dute saioa, Sahatsa dantza taldearen laguntzarekin. Erromerietan dantzatzen diren fandango eta arin-arinak nahiz kalejirak ere egingo dituzte. Euria egingo balu, Kontzejupera lekualdatuko lukete hitzordua.

AFRIKA: ikasturte amaierako JAIALDIA

200328981-001

Baztartxo Antzokian, ekainaren 11an, 19:00etan (osteguna), Bizkargi Musika eta dantza eskolako ikasleen eskutik, ikasturte amaierako Jaialdia ospatuko dute. Aurtengoan, AFRIKA izango da gaia, istoria, doinuak eta guztia Afrikan girotuta egongo dira.  Partehartzaile ugari izango da bertan, adin guztietako ikasleek parte hartuko dute, txikienetatik hasi, gurasoak eta baita adin guztietako helduak ere barne direlarik.
Musikariak, orkestra, abesbatza, euskal musika tresnak, dantzariak e.a. bertan arituko dira, guztien elkarlanaren bidez Jaialdi berezi hau aurrera ateratzeko.
Istorioaren egilea eta koordinazioa: Nerea Goikoetxea irakaslea. Grabazioak: Aitor Uria. Orkestra-moldaketak: Gorka Errezil. Dantzarako koreografiak: Aitor Sorazu. Abesbatza-arduraduna: Maje Larrañaga. Gainontzeko irakasle eta ikasle guztien arteko lanaren bidez  posible izango da ekitalde honen arrakasta lortzea. Eta nola ez bada, Azkoitiko herritar guztiak gonbidatuta zaudete!!!