2019 - 11 - 22

Dantzariak euskeraren egunean arratsaldeko erromerian

euskeraeguna

Abenduaren 3an Euskararen eguna denez, ospakizunez betetako eguna antolatu da Urola Kosta guztian. Besteak beste dantza, musika, bertsoak, ikus-entzunezkoak, lehiaketak, hitzaldiak, kalejirak eta tailerrak izango dira. Azkoitiko egitarauan barne Musika Eskolako dantzariak, 6 urteko gelakoak, arratsaldeko erromerian parte hartuko dute.

Hona hemen ekintza guztiak:
11:30ean, Xabier Munibe, Floreaga eta Urola Ikastola Azkotia-Azpeitia BHI ikastetxetako ikasleek kalejira eta ekitaldia denek elkarrekin.
18:30ean, erromeria, plazan.
18:30ean, pintxo poteoa euskararen alde herriko tabernetan.
Ondoren, manifestua eta gaztain jana, plazan.
Floreaga ikastetxea: 09:00etan, LHko ikasleek ekitaldia eta 15:30ean, HHko ikasleek ekitaldia.

San Andresetan dantza kalean

san andresak1

Urtero bezalaxe,  San Andres eguna ospatzen dela eta igandean, azaroaren 29an, eguerdian, Musika Eskolako dantzariak, txistulariak, panderojoleak  eta trikitilariak, kalean zehar irtengo dute herriko beste hainbat dantza taldeekin elkarturik. Eguraldiak ez badu laguntzen,  ekitaldi guztia Polikiroldegian egingo da, hala nola dantzariak eta musikariak beraien dantzekin eta doinuekin festa giroan egun hau ospatzeko. Guztiok gonbidatuta zaudete.

Hona hemen ibilbideari dagokion informazioa eta baita San Andresetako egitarau guztia ere:

Dantza jauziak edo mutxikoak joan zen igandean Kontzejupean

muxikoak donostian

Joan zen igandean, azaroaren 22an, mutxikoak eta beste hainbat dantza herrikoi dantzatzeko eta ikusteko aukera izan zuten Azkoitiarrak. Bizkargi Musika Eskolako ikasle helduen Dantza Taldeak Sahatsa Dantza taldearen laguntzarekin antolatuta. Eliz atarian biltzeko asmoa izan arren, eguraldiak ez zuen lagundu eta Kontzejupean egin zen ekitaldia. Jendea animatu zen eta azkenean asko hurbildu ziren bertara. Saio hauek irekiak dira, hau da, jendeak dantzan ikasteko eta gozatzeko. Bide batez, plazan dantzatzeko ohitura berreskuratzeko lagungarri izan daiteke. Beraz, urtean zehar tartekatuz, horrelako ekitaldi gehiago antolatzeko asmoa dago.

Hona hemen argazki batzuk:

Abenduan, XIV. Klarinete Maratoia Zumaian

kopiadiptikoa2015 copia

Abenduaren 13tik 15arte Zumaian, XIV. Klarinete Maratoia ospatuko da, bertan Musika Eskolako ikasleak ere parte hartuko dute. Aste guztian, ekintza ezberdin asko antolatuko dira. Musika hezkuntzaren hatsarre edo printzipio ugari uztartuz: kalitatezko irakaskuntza, maila handiko musikari eta irakaslearen konpromisoa, jatorri eta maila ezberdineko musikarien arteko harremana bultzatzea, jende aurrean musika egiten trebatzea, ikasleek lorpenak jendaurrean erakustea… eta den-dena, klarinetearen bueltan. Urtetik urtera Klarinete Maratoi honetan hainbat jarduera ezberdin ikusteko aukera izango dugu. Hona hemen informazio guztia:

Sta. Zezilia eguna eta Musikalean

musika tailerra

Azaroaren 20an musikarien zaindari den Santa Zeziliaren omenez, Bizkargi Musika eta Dantza eskolako ikasleek, Elkarguneko Antzokian, musika eta dantza emanaldia eskainiko dute arratsaldeko 18:30etan. Bertan parte hartuko dute, hiru urtetik hasi eta sei urte bitarteko musika tailerretako ikasleak, dantza talde ezberdinak, gaztetxoak baita helduak ere eta azkenik Trikitixa eta Alboka bikotearen partaidetza ere izango dugu bertan.
Bestalde egun berean MUSIKALEAN ekintza dela eta, trikitilariak eta panderojoleak, 17:30ak aldera kalean zehar kalejiran arituko dira.
Hona hemen egitaraua: