2019 - 11 - 22

Laura Bastida eta Ekain Uzkudun 1. Saria Hernaniko Dantza Txapelketan

Laura eta Ekain

Joan zen larunbatean, ekainaren 24an, Hernaniko Gudarien Enparantzan Solteko Dantza Txapelketa ospatu zen. Ekitaldia Kriskitina Dantza Taldeak antolatu zuen, Hernaniko Udalarekin lankidetzan. Bertan  1. saria LAURA BASTIDA eta EKAIN UZKUDUNentzat izan zen, Azpeitiarrak eta Bizkargi Musika eta Dantza eskolako ikasleak. Zorionak bikote eta baita Aitor Sorazu irakasleari ere!

Instrumentuko ordutegien banaketa

datak

Datorren ikasturterako instrumentu ordutegien banaketa, ondorengo egunetan egingo da. Beraz, komenigarria da bakoitzari dagokion eguna eta ordutegian Bizkargi Musika Eskolara gerturatzea. Bestalde eta ekainaren 30arte, idazkaritzako arreta ordutegia goizez bakarrik irekiko da, 9:30etatik 12:30etara. Ordutegiarekin arazoren bat izan ezkero, deitu 943851070 zenbakira edota email honetara bidali mezua: bizkargi@bizkargimusikaeskola.com.

Hona hemen informazioa:

X. Zatoz dantzara Balda plazara

San Juan

San Juan gauean, ekainaren 23an ostirala, Azkoitian, beste herri askotan bezalaxe sutzar handia egiten da gaua heltzean. Gau berezi horretan musika eta dantza elkarlanean, protagonistak izango ditugu. Lehenik, kalean zehar herriko dantzari gaztetxoek protagonistak izango dira ondorengo programazioarekin: arratsaldeko 19:15etan GAZTANENEAKO parkean, dantzarien eta musikarien bilkura. 19:30etan irteera Balda plazara. Hauxe da ibilbidea: Gaztanenea parkea, Eliza ataria, Plaza Berri eta Balda plaza.  Bertan, dantzari guztiek elkarturik dantzatuko dituzte ondorengo dantzak: Agurra, Agintariena, Txankarranko, Gorulari dantza, Bolant dantza, Lapurdiko makil dantza, Zazpi Jauzi, Kalejira.  Bertan parte hartuko dute: Xabier Munibe eta Floreagako Kandiola Dantza taldea, Bizkargi Dantza taldea eta Txalkor Txistulari taldea. Ekitaldia  20:30etan amaituko da.

Bestalde, gauean, hamarrak inguruan, Balda Plazan, suaren piztuera egingo da. Sahatsa Dantza Taldea, Iraurgi eta Parrokiko abesbatza Musika Bandaren laguntzarekin doinu herrikoiak abestu eta dantzatuko dituzte.
 BIZKARGI Musika eta Dantza eskolako ikasleen eskutik, X. Zatoz dantzara Balda plazara izendatzen den dantza saioa hasiko da. Dantzazale guztiak, Aitor Sorazu, dantza-maisuaren gidaritzapean aukera izango dute herrikoi dantza ezberdinak ikasteko.
Hurbil zaitezte Balda Plazara eta musikaz eta dantzaz girotutako gauean har ezazue parte!

Trikitixako ikasleen Entzunaldia

triki talde

Ekainaren 19an, astelehena, arratsaldeko 6:30etan hirugarren hiruhileko entzunaldiei amaiera emateko, trikitixako ikasleek entzunaldi bat eskainiko dute. Entzunaldi hau, Elkarguneko “Oteiza” aretoan ospatuko da. Bestalde, musika eskolako ikasleen azken emanaldia, San Juan bezperan izango da BALDA PLAZAN, X. Zatoz dantzara BALDA plazara ekintzarekin, Aitor Sorazuren gidaritzapean. Guztiok gonbidatuta zaudete.
Hona hemen Trikitixa Entzunaldiko egitaraua:

Ikasturte amaierako Jaialdia

jaialdia2017-2

Baztartxo Antzokian, ekainaren 14an, 19:00etan (asteazkena), Bizkargi Musika eta dantza eskolako ikasleen eskutik, ikasturte amaierako Jaialdia ospatuko da. Partehartzaile ugari izango dira, adin guztietako ikasleek parte hartuko dute, txikienetatik hasi, gurasoak eta baita adin guztietako helduak ere.
Musikariak, orkestra, abesbatza, euskal musika tresnak, dantzariak e.a. bertan arituko dira.  Hona hemen egitaraua: