2019 - 11 - 14

Klarinete maratoia Zumaian

kartelaKlar

Abenduaren 13-17 bitartean Zumaian, XVI. Klarinete Maratoia ospatu da, bertan Musika Eskolako ikasleak ere parte hartuko zuten. Aste guztian, ekintza ezberdin asko antolatu dira. Oraingoan ere, Carlos Casadó (ONE) irakaslearekin: ohiko maila guztietara zabaldutako bakarkako eta taldekako ekintzak egon dira. Teknologia berrien erabilpenak musikan (TIC), Music & English, musikarako materialen erakusketak e.a.
Irakaskuntzari dagokionez, hasierako urteetatik bakarkako eta taldekako klarinete-eskolak egin dira maila guztietara zuzenduta: Musika Eskoletako bigarren edo hirugarren mailako ikasleak, alegia, klarineteari aisialdiaren begiekin begiratzen diotenak, adin guztietakoak: gaztetxoak, gazteak eta helduak. Baina  Maratoian izan dute lekua klarinetea lanbidetzat izango duten ikasleek ere, Kontserbatorioko ikasleek, alegia. Musika eskoletako irakasle dihardutenak ere ikasle bihurtu ziren Maratoian, eta baita orkestretako klarinete-joleak ere.  Irakasle zein interprete, Maratoira  klarinetearen teknika aurreratuenak barneratzeko etorri ziren. Jatorri hain ezberdineko ikasleen parte hartzea ez litzateke posible izango Carlos Casadóren sakon-sakoneko profesionaltasunik gabe.

Hona hemen bertan parte hartu zuten Bizkargi Musika Eskolako ikasleen argazkiak:

Itziar Bastida eta Anaitz Lizartza bikoteak 2. saria lortu dute Bergaran

bikote 4

Euskal Herriko bikote gazteen 40. dantza suelto txapelketa jokatu zuten Bergarako Udal pilotalekuan. Guztira 21 bikotek dantzatu zuten; txapela eta zapia Lezoko Maider Aginaga eta Iker Belintxonentzat izan ziren. Bertan Bizkargiko bikote batek parte hartu zuen: ITZIAR BASTIDA eta ANAITZ LIZARTZA eta 2. saria lortu zuen. Zorion beroenak beraiei eta baita Aitor Sorazu irakasleari ere!Hona hemen sarituen zerrenda:
1. Saria: garaikurra, txapela, zapia eta 180 euro. Maider Aginaga eta Iker Belintxon (Lezo).
2. Saria: garaikurra eta 160 euro. Itziar Bastida eta Anatz Lizartza (Azpeitia).
3. Saria: garaikurra 150 euro. June Elortza eta Eneko Sarasua (Azpeitia-Azkoitia).
4. Saria: garaikurra 140 euro. Elaia Elorza eta German Aranburu (Azpeitia).
5. Saria: garaikurra eta 130 euro. Enara Arrizabalaga eta Iker Sarasua (Azpeitia-Azkoitia).

San Andresetan Azkoitin, Musika eta Dantza kalean zehar

SAN ANDRES2017

Urtero bezalaxe,  San Andres eguna ospatzen dela eta igandean, azaroaren 26an, eguerdian, Musika Eskolako dantzariak, txistulariak, panderojoleak  eta trikitilariak, kalean zehar irtengo dute herriko beste hainbat dantza taldeekin elkarturik. Eguraldiak ez badu laguntzen,  ekitaldi guztia Gurea Frontoian egingo da, hala nola dantzariak eta musikariak beraien dantzekin eta doinuekin festa giroan egun hau ospatzeko. Guztiok gonbidatuta zaudete!

Hona hemen egitaraua:

Zezilia deunaren omenez, Musika eta Dantza Elkargunean

Zezilia2017

Azaroaren 17an, ostirala, musikarien zaindari den Santa Zeziliaren omenez, Bizkargi Musika eta Dantza eskolako ikasleek, Elkarguneko “Herriko Plaza” aretoan, musika eta dantza emanaldia eskainiko dute arratsaldeko 18:30etan. Bertan parte hartuko dute,  musika tailerretako ikasleak, dantza eta instrumentu talde ezberdinak, gaztetxoak, eta baita helduak ere.
Bestalde, egun berean MUSIKALEAN ekintza dela eta, trikitilariak eta panderojoleak, 17:30ak aldera kalera aterako dira musikaz girotuz egun berezi hau. Hona hemen egitaraua:

Adinduen astea San Jose Egoitzan

sanjose

San Jose Egoitzan Adinduen astea ospatuko da azaroaren 13tik 19ra bitartean. Hainbat ekintza antolatu dituzte egun horietarako errutina hautsi eta entretenimenduari bide emateko. Besteak beste, gaztetxoen bisitak izango dituzte bertan, Floreaga ikastetxeko, Xabier Munibe Ikastolako eta Bizkargi Musika eta Dantza Eskolako ikasleak San Jose Egoitzara hurbilduko baitira bertako erabiltzaileekin tartetxo bat partekatzera. Musika Eskolako ikasleen txanda azaroaren 18an izango da. Larunbata da eta arratsaldeko 16:30etan hasiko da musika eta dantza emanaldi hau.

Hona hemen aste guztiko egitaraua: