2019 - 11 - 22

Pianoko ikasleen Entzunaldiak: maiatzak 31 eta ekainak 1

piano kolore1

Datorren ostegunean eta ostiralean, maiatzak 31 eta ekainak 1, Bizkargi Musika eta Dantza Eskolako pianoko ikasleak hirugarren hiruhileko entzunaldien barne, bi saio eskainiko dizkigute. Ostegunekoa, arratsaldeko 7:00etan eta ostiralekoa arratsaldeko 6:00etan. Biak Elkarguneko Oteiza aretoan ospatuko dira. Hona hemen egitarauak:

Entzunaldia: Haize metala eta Perkusioa

3entzun

BIZKARGI Musika eta Dantza Eskolako ikasleak, maiatzaren 30ean, azken hiruhileko entzunaldiak amaitzeko, hasiera emango diote maiatzaren 30ean,  Musika Eskolako Entsegu aretoan ospatuko den Haize metaleko eta Perkusioko ikasleen entzunaldiarekin. Hona hemen egitaraua:

TXIRULA TOPAKETA Urretxu-Zumarraga

xirulaKARTELA

Maitzaren 26an ospatuko da TXIRULA TOPAKETA Zumarragako Zelai Arizti Antzokian.Bertan parte hartuko dute herri ezberdinetako musika eskolak: Zumarraga, Urretxu, Legazpi, Astigarraga, Azkoitia, Oñati, Ormaiztegi eta Aretxabaleta. Hona hemen egitaraua eta baita 2013an Azkoitin antolatutako Topaketaren argazkiak ere:

IX. “Tronboneitor Rock” Deban

tronboi ikasle

Maiatzaren 12an, larunbata, Debako Musika Eskolak antolatuta IX. “Tronboneitor Rock” ospatu zen. Ekitaldi nagusia 12:30etan Foruen Plazan izan zen. Bertan bildu ziren musika eskola ezberdinetako ehun bat tronboi-jole. Bizkargi Musika Eskolako ikasleek ere bertan parte hartu zuten: Ane Epelde, Eider Azpiazu, Kaiet Oteiza eta Jon Odriozola. Hona hemen beraiek eta Beñat Etxabe irakaslea.

Behean, parte hartzaile guztiak:

Bizkargi abesbatza itzuli da Holandatik

froga 3

Joan zen igandean Holandatik itzuli ziren herrira Bizkargi abesbatzako gazteak. Nekatuta, baina  pozik, esperientzia ederra benetan “At The Watergate” Europako Musikari Gazteen jaialdian parte hartzea. Holandako Sneek herrian igaro dituzte bost egun. Donostiko musika eta dantza eskolako Kamerata eta Euskal Konboko kideekin kontzertuaz gain, une eder asko partekatu dituzte. Euskal Herritik 200 ikasle izan dira Jaialdi honetan parte hartu dutenak eta 24 herrialde ezberdinetatik guztira 6.000 ikasle gerturatu ziren Sneek-era. Hiri honek 33.427ko biztanleria du eta Frisia probintziakoa da. Maiatzak 9-11 bitartean gazteen hiria bilakatu da, bertan 1.000 kontzertu eman dira 30 eszenatoki ezberdinetan eta ondorengo herrietan: Makkum, Bolsward, Ijlst, Heeg, Woudsend, Koudum, Workum eta Andfird/Westhem-ean. Bizkargi abesbatza Donostiko Kamerata eta Euskal Konboarekin batera hiru emanaldi izan ditu: 1. Sneek-eko ATRIUM-en, 2. KERKHOF NOORD-en eta 3. IJLST-en. Hona hemen argazki batzuk:

Itziar Bastida eta Anaitz Lizartza Txapeldun Lazkaon, Dantza sueltoko txapelketan

itziar-Anaitz

Atzo ( Maiatzak 1) ospatu zen Lazkaon, 2018ko Gazteen mailako Dantza Suelto Txapelketako lehen txapelketa. 18. Urte daramatza bertako Oin arin dantza taldeak txapelketa antolatzen, txapelketa hasi baino lehenago gogoan izan zituzten bertan hainbat urtez epaimahai kide aritutako bi   dantzari haundi, alde batetik Joseba Juarez eta bestetik duela aste batzuk utzi gintuen Jesus Mari Garate. Beraien ikasle izandako dantzariek eta txapelketan parte hartzen zutenek, txapelketa hasi baino lehen Agurra eskeini zieten biei.Txapelketan 14 bikote ikusi genituen elkarrekin lehian, hainbat herri ordezkatuz. Azkoitia, Azpeitia, Errezil,Oiartzun, Lezo, Pasai Donibane, Hondarribia eta Sopela.
Lehenengo postuan Bizkargi Musika eta Dantza Eskolako ikasleak izan genituen, Itziar Bastida eta Anaitz Lizartza, Aitor Sorazuren ikasleak hain zuzen, bigarren eta hirugarren Luis Alberdiren dantza eskolako bi bikote izan genituen, June Elorza eta Eneko Sarasua eta Elaia Elorza eta German Aranburu hurrenez hurren.
Zorionak guztiei lan bikaina egin zutelako eta baita antolatzaileei ere urte guzti hauetan egin duten lanagatik!