2019 - 11 - 14

XI. Zatoz dantzara Balda plazara

SAN JUAN2018

San Juan gauean, ekainaren 23an larunbata, Azkoitian, beste herri askotan bezalaxe sutzar handia egiten da gaua heltzean. Gau berezi horretan musika eta dantza elkarlanean, protagonistak izango ditugu. Lehenik, kalean zehar herriko dantzari gaztetxoek protagonistak izango dira ondorengo programazioarekin: arratsaldeko 19:15etan GAZTANENEAKO parkean, dantzarien eta musikarien bilkura. 19:30etan irteera Balda plazara. Hauxe da ibilbidea: Gaztanenea parkea, Eliza ataria, Plaza Berri eta Balda plaza.  Bertan, dantzari guztiek elkarturik dantzatuko dituzte ondorengo dantzak:
Lapurdiko makil dantza, Zuberoako makil dantza, Behenafarroako martxa,Nafarroako ipurdi dantza, Oriako Sorgin dantza, Banakoa, Txulalai, Erre zenituzten Zazpi Jauzi eta Kalejira.  Bertan parte hartuko dute: Xabier Munibeko Kandiola Dantza taldea, Bizkargi Dantza taldea eta Trikitilariak eta Txalkor Txistulari taldea. Ekitaldia  20:30etan amaituko da.
Bestalde, gauean, hamarrak inguruan, Balda Plazan, suaren piztuera egingo da. Sahatsa Dantza Taldea, Iraurgi eta Parrokiko abesbatza Musika Bandaren laguntzarekin doinu herrikoiak abestu eta dantzatuko dituzte.
 BIZKARGI Musika eta Dantza eskolako ikasleen eskutik, XI. Zatoz dantzara Balda plazara izendatzen den dantza saioa hasiko da. Dantzazale guztiak, Aitor Sorazu, dantza-maisuaren gidaritzapean aukera izango dute herrikoi dantza ezberdinak ikasteko.
Hurbil zaitezte Balda Plazara eta musikaz eta dantzaz girotutako gauean har ezazue parte!

Dantza Sueltoko Txapelketak: Errezilen eta Leioan

dantzariak

Asteburu oparoa izan da Bizkargi Musika eta Dantza Eskolarentzat, ostiralean urte bukaerako jaialdia eskeini ziguten Baztartxo Antzokian, larunbata arratsaldean Errezilen ospatu zen VI. Dantza Suelto txapelketan bertako ikasle diren Itziar Bastida eta Anaitz Lizartza txapeldun izan ziren, ostiral gauean Bizkargi Musika eta Dantza Eskolako Abesbatza Ordiziako Parrokian izan genuen Donostiako Musika eta Dantza Eskolako Kameratarekin batera, bertan  Enekoitz Martinezen gidaritzapean kontzertu bikaina eskeini zutelarik.

Eta asteburua borobiltzeko Leioan ospatutako XVIII. Dantza Suelto Txapelketan, Gazteen mailan berriro Itziar eta Anaitz izan ziren Txapeldun eta Helduen maila Laura Bastida eta Ekain Uzkudunek osatutako bikoteak bigarren saria lortu zuten.

Zorionak guztiei urte guztian zehar egin duten lanagatik!

Haize-metalezko musika tresna: tronpeta

portNeskatpta

Haize-metalezko musika tresnen artean Tronpeta ezagunenetako bat da. Hau,  aire metalezko musika-tresnarik zaharrena da. Tutankamon faraoiaren hilobia tronpetak aurkitu ziren ,kristo aurreko 1350. urtean. Erdiaroan militar eginkizunetan erabiltzen ziren, aristokraziaren zeremonietan… Orkestra batean XVII. mendean erabiltzen hasi zen. Operatan asko erabiltzen zen.
1815an pistoi eta giltzen sistema asmatu zen. Honela egurrezko musika-tresnekin lehiatu ahal izan zuten soinu zabalera eta arintasunean. Metalezko tutu tolestu bat da, zilindrikoa da eta kanpai itxuran amaitzen da. Pistoien sistema erabiltzen du. Hauek ate modukoak dira eta airea pasatzen uzten dutenak. Honela tutuaren neurri ezberdineko zatiak konektatu edo konekxio gabe uzten dira. Aho-muturra esferaerdiko kopa da. Aire-mealezko musika-tresnarik arinena . indar handiko soinua du.
Nola jotzen da?: soinua lortzeko ezpainek aho-puzkerra sortu behar dute. Soinu hori zuzena izateko etengabeko praktika eskatzen du ezpaineko giharrek gogortu behar dutelako.
Hiru pistoi ditu eskalako nota guztiak sortzeko. Horiek airearen abiadurarekin eta norabidearekin lortzen dira; beraz, tronpeta-jotzaile batentzat, arnasketa kontrolatzea oso inportantea da, eta horretarako ere etengabeko arnasketa ariketak praktikatu behar ditu diafragma garatu ahal izateko. Entzun hemen:Piazzollaren \”Adios Nonino\”

Hona hemen kolore ezberdinetako tronpetak:

Afinazioaren arabera ikusi ondorengo irudian tronpetaren tesitura:

Entzunaldia Elkarguneko “Oteiza” aretoan:biolina-akordeoia

Biolinakordeoi

BIZKARGI Musika eta Dantza Eskolako ikasleek, ekainaren 19an, asteartea, arratsaldeko 6:30etan, Hirugarren hiruhileko  azken Entzunaldia eskainiko dute  Elkarguneko “Oteiza” aretoan. Parte hartzaileak, oraingoan biolineko eta akordeoiko ikasleak izango dira. Bestalde, musika eskolako ikasleen azken emanaldia, San Juan bezperan izango da BALDA PLAZAN, XI. Zatoz dantzara BALDA plazara ekintzarekin, Aitor Sorazuren gidaritzapean. Guztiok gonbidatuta zaudete.
Hona hemen entzunaldiko egitaraua:

Trikitixa eta panderoko ikasleen Entzunaldia

trikipandero

Ekainaren 18an eta 19an, astelehena eta asteartea, arratsaldeko 6:30etan hirugarren hiruhileko entzunaldiei amaiera emateko, trikitixa, akordeoia eta biolineko ikasleen entzunaldiak ospatuko dira Elkarguneko “Oteiza” aretoan. Astelehenean, Trikitixa eta panderoko ikasleen txanda izango da. Hona hemen egitaraua:

Ikasturte amaierako Jaialdia Baztartxon

web

Baztartxo Antzokian, ekainaren 15ean, 19:00etan (ostirala), Bizkargi Musika eta dantza eskolako ikasleen eskutik, ikasturte amaierako Jaialdia ospatuko da. Partehartzaile ugari izango dira, adin guztietako ikasleek parte hartuko dute, txikienetatik hasi, gurasoak eta baita adin guztietako helduak ere. Musikariak, orkestra, abesbatza, euskal musika tresnak, dantzariak e.a. bertan arituko dira.  Hona hemen egitaraua: