2019 - 11 - 22

XVII. Klarinete maratoia Zumaian

KM Kartela OK

Ikasturte honetakoa hamazazpi edizioa izango da (abenduaren 12-16 bitartean). Klarinete Maratoian musika-hezkuntzaren hatsarre edo printzipio ugari uztartzen dira: kalitatezko irakaskuntza, maila handiko musikari eta irakaslearen konpromisoa, jatorri eta maila ezberdineko musikarien arteko harremana bultzatzea, jende aurrean musika egiten trebatzea, ikasleek lorpenak jendaurrean erakustea… eta den-dena, klarinetearen bueltan.
Urtetik urtera Klarinete Maratoiak hainbat eta hainbat jarduera ezberdin ikusi ditu eta horretan dihardugu: Formatu txikiko zein ertaineko kontzertuak, Musika eta Literatura eta Musika eta Zinea uztartuta, ikus-entzunezko emanaldiak, argazki lehiaketa,teknologia berrien erabilpenak musikan (TIC), Music & English, musikarako materialen erakusketak, Clarinet Clinic, musikari bikainak gonbidatu,… Eta ildo honetatik jarraituz, aurten Alexander Teknika gehitzen dugu, AMAT Studioaren eskutik. Irakaskuntzari dagokionez, hasierako urteetatik bakarkako eta taldekako klarinete-eskolak egin dira maila guztietara zuzenduta: Musika Eskoletako bigarren edo hirugarren mailako ikasleak, alegia, klarineteari aisialdiaren begiekin begiratzen diotenak, adin guztietakoak: gaztetxoak, gazteak eta helduak. Baina  Maratoian badute lekua klarinetea lanbidetzat izango duten ikasleek ere, Kontserbatorioko ikasleek, alegia. Musika eskoletako irakasle dihardutenak ere ikasle bihurtzen dira Maratoian, eta baita orkestretako klarinete-joleak ere.  Irakasle zein interprete, Maratoira  klarinetearen teknika aurreratuenak barneratzeko etortzen dira. Jatorri hain ezberdineko ikasleen parte hartzea ez litzateke posible izango Carlos Casadoren sakon-sakoneko profesionaltasunik gabe. Aurten, beste urteetan bezalaxe Bizkargi Musika eta Dantza eskolako ikasleek ere bertan parte hartuko dute.

ENTZUNALDIA Elkarguneko OTEIZA aretoan

kartelaEntzun

Datorren asteazkenean, abenduaren 5ean, Bizkargi Musika eta Dantza Eskolako ikasleak entzunaldi bat eskainiko digute, Elkarguneko “Oteiza” aretoan. Hauek dira entzungo ditugun musika tresnak: akordeoia, teklatuak, klarinetea, saxofoia, tronboia eta zeharkako xirula. Arratsaldeko 7etan izango da. Guztiak gonbidatuta zaudete ekitaldi honetara gerturatzera eta ikasleekin partekatzera une berezi hau.
Hona hemen egitaraua:

Euskal Herriko Trikitilari Gazteen Txapelketan.

Zaldibar

Araitz Etxaniz eta Enaitz Alberdi, trikitilari eta panderojole bikotea, laugarren sailkatu dira Euskal Herriko Trikitilari Gazteen Txapelketan.
Joan zen igandean, abenduak 2, Zaldibarren ospatu zen XXVI. Euskal Herriko Trikitilari Gazteen Txapelketa. Bertan parte hartu zuten Azkoitiko Araitz Etxaniz eta Azpeitiko Enaitz Alberdi. Bizkaiko trikitixa, porrusalda, fandangoa eta arin-arina jo behar izan zituzten parte hartzaile guztiek.
Txapelketan lehenengo postuan sailkatu ziren: Ane Etxezarreta eta Sara Iriarte, guztira 100 punturekin. Araitz eta  81 puntu batu zituzten.
Zorionak bikote!

San Andresetan Azkoitin, Musika eta Dantza kalean zehar

san andres2018

Urtero bezalaxe,  San Andres eguna ospatzen dela eta , azaroaren 25ean, eguerdian, Musika Eskolako dantzariak, txistulariak, panderojoleak  eta trikitilariak, kalean zehar irtengo dute herriko beste hainbat dantza taldeekin elkarturik. Eguraldiak ez badu laguntzen,  ekitaldi guztia Gurea Frontoian egingo da, hala nola dantzariak eta musikariak beraien dantzekin eta doinuekin festa giroan egun hau ospatzeko. Guztiok gonbidatuta zaudete!

Hona hemen egitaraua:

Zezilia deunaren omenez musika eta dantza Elkargunean

Zezilia2018

Azaroaren 21ean, asteazkena, musikarien zaindari den Santa Zeziliaren omenez, Bizkargi Musika eta Dantza eskolako ikasleak, Elkarguneko “Herriko Plaza” aretoan, musika eta dantza emanaldia eskainiko dute arratsaldeko 18:30etan. Bertan parte hartuko dute,  musika tailerretako ikasleak, dantza eta instrumentu talde ezberdinak, gaztetxoak, eta baita helduak ere.
Bestalde, egun berean MUSIKALEAN ekintza dela eta, trikitilariak eta panderojoleak, 17:30ak aldera kalera aterako dira musikaz girotuz egun berezi hau. Hona hemen egitaraua:

Adinduen astea San Jose Egoitzan

SanJose2018

San Jose Egoitzan Adinduen astea ospatuko da azaroaren 13tik 18ra bitartean. Hainbat ekintza antolatu dituzte egun horietarako errutina hautsi eta entretenimenduari bide emateko. Besteak beste, gaztetxoen bisitak izango dituzte bertan, Floreaga ikastetxeko, Xabier Munibe Ikastolako eta Bizkargi Musika eta Dantza Eskolako ikasleak San Jose Egoitzara hurbilduko baitira bertako erabiltzaileekin tartetxo bat partekatzera. Musika Eskolako ikasleen txanda azaroaren 17an izango da. Larunbata da eta arratsaldeko 16:30etan hasiko da musika eta dantza emanaldi hau.

Hona hemen aste guztiko egitaraua:

Bizkargi abesbatza Izaron kontzertuan

Izaro-Bizkargi

Azaroaren 10ean IZARO abeslariak bere musika taldearekin Baztartxo antzokian eskainitako kontzertuan, Bizkargi abesbatzak ere parte hartu zuen elkarekin abestuz kanta batean. Esku Bidez taldeak antolatutako emanaldia izan zen, Salvamento Maritimo Humanitario SMHri laguntza emateko asmoarekin. Ikasleentzat aukera paregabea izan zen Izaro abeslariarekin aurrez aurre egotea eta nola ez bada eszenatokia partekatzea berarekin abestuz. Emozioz betetako kontzertua izan zen. Hona hemen esteka Kontzertuko argazkiekin:

https://www.flickr.com/photos/55242991@N05/