2019 - 11 - 22

2019-20 ikasturterako matrikulatzeko azken epea

WebOpor

Irailaren 2tik 6ra, biak barne, matrikula egiteko azken epaldia irekiko da baina aukera hau bakarrik izango da libre geratu diren plazak osatu arteko ikasgaietan . 2019-20ko ikasturte berriari hasiera emango diogu irailaren 9an. Informazio gehiago nahi izan ezkero, posta elektronikoaren bidez eska daiteke: bizkargi@bizkargimusikaeskola.com eta lehenbailehen erantzuna eramango da.
Iraiaren 2tik 6ra biak barne, IDAZKARITZA irekita egongo da, goizez 9:30etatik 11:30etara, eta arratsaldez, 5:00etatik 7:00etara.

Aukeratu zure abesbatza eta gozatu abesten!

Web Koro

BIZKARGI Musika eta Dantza Eskolaren helburuen artean, talde-ekintzak bultzatzea garrantzitsuenetako bat da. Horien artean, ABESBATZA  betiere arrakastatsuenetakoa da eta aurten ere bide horretatik jarraitzeko asmoarekin, herriko gazteei bideratutako deialdi ireki bat egin nahi dugu.
AUKERATU ZURE ABESBATZA eta GOZATU ABESTEN!:
“A” aukera- 10-11 urte bitarteko gaztetxoentzat – entsegu egunak: ASTEAZKENA ETA OSTIRALA 14:00etatik – 14:45etara edo
“B” aukera - 12 urtetik aurrera – entsegu egunak: OSTIRALA 15:30etatik – 16:30etara

Baldintzak:
•Ez da beharrezkoa musika eskolan aldez aurretik matrikulatuta egotea.
•Urte osoko kuota hasieran ordaintzea: guztira 15€
•Ikasturtean zehar antolatzen diren emanaldietan parte hartzea.
•Izen-ematea irailaren 2tik 11ra izango da, musika eskola bertan.

Musikaren heziketan garrantzitsua  ikusten dugu ikaslearen partehartzea  talde-ekintzetan, bai ahots taldeetan baita instrumentu taldeetan ere Musika Eskola guztietako helburu nagusienetakoa baita. Ikaslearen motibazioa indartzeko lehenbailehen aukera eman nahi diegu ikasitakoa praktikan jartzeko  nahiz eta teknika aldetik maila handirik ez izan. Gure asmoa, gehien bat  musika egitea eta zaletasuna sortzea da, ez interprete handiak sortzea.
Musika Eskolako Abesbatzetan parte hartzea nahi duenak, finkatutako egutegia bete beharko du, bai entseguei eta baita emanaldiei dagokiona ere.
Interesatuak, irailaren 2tik 11ra bitartean idazkaritzatik pasatu beharko du izena ematera.

IDAZKARITZAKO ORDUTEGIA:
Irailaren 2tik 6ra bitartean goizez 9:30etatik 11:30etara edota arratsaldez 5etatik 7etara.

Irailaren 9tik aurrera, goizez 9:30etatik 11:30etara edota arratsaldez 4etatik 6etara.

SAN JUAN BEZPERAKO EKINTZAK

sanjuan2019

San Juan gauean, ekainaren 23an igandea, Azkoitian, beste herri askotan bezalaxe sutzar handia egiten da gaua heltzean. Gau berezi horretan musika eta dantza elkarlanean, protagonistak izango ditugu. Lehenik, kalean zehar herriko dantzari gaztetxoek protagonistak izango dira ondorengo programazioarekin: arratsaldeko 19:15etan GAZTANENEAKO parkean, dantzarien eta musikarien bilkura. 19:30etan irteera
Balda plazara. Hauxe da ibilbidea: Gaztanenea parkea, Eliza ataria, Plaza Berri eta Balda plaza.  Bertan, dantzari guztiek elkarturik dantzatuko dituzte ondorengo dantzak: Zuberoako makil dantza, Banakoa, Zapatagin, Uztai txiki dantza, Jorrai Dantza, Bolantz Dantza, Lapurdiko makil dantza, Erre zenituzten, Kalejira.  Bertan parte hartuko dute: Xabier Munibeko Kandiola Dantza taldea, Bizkargi Dantza taldea eta Trikitilariak eta Txalkor Txistulari taldea. Ekitaldia  20:30etan amaituko da.
Bestalde, gauean, hamarrak inguruan, Balda Plazan, suaren piztuera egingo da. Sahatsa Dantza Taldea, Iraurgi eta Parrokiko abesbatza Musika Bandaren laguntzarekin doinu herrikoiak abestu eta dantzatuko dituzte. BIZKARGI Musika eta Dantza eskolako ikasleen eskutik, XII. Zatoz dantzara Balda plazara izendatzen den dantza saioa hasiko da. Dantzazale guztiak, Aitor Sorazu, dantza-maisuaren gidaritzapean aukera izango dute herrikoi dantza ezberdinak ikasteko.
Hurbil zaitezte Balda Plazara eta musikaz eta dantzaz girotutako gauean har ezazue parte!

KALEJIRAko ordena:

-BIZKARGI DANTZA TALDEA

-FLOREAGAKO KANDIOLA DANTZA TALDEA

XABIER MUNIBE IKASTOLAKO KANDIOLA DANTZA TALDEA

Oharra: eguraldi txarra balitz eta zentzua San Juan suaren inguruan egitea duen saioa izanik, bertan behera uzteaz hitz egin da. Hala ere bada ezpada ELKARGUNEA hartu da baldin gauzak gaizki jartzen badira ikuslego edo gurasoen aldetik.

Hernaniko Dantza solte txapelketan 1. eta 3. postuan sailkatu dira 2 bikote

dantzaEkain

Atzo, ekainak 24, ospatu zen Hernanin, Kriskitina Dantza Taldeak urtero antolatzen duen Dantza Askatuko txapelketa 15 urtetik gorakoen kategorian. Aurtengoan 8 bikote izan genituen lehian, Sopela, Azkoitia, Azpeitia, Lezo, Oiartzun Eta Legazpia ordezkatuz.
Dantzariek Fandangoko 8 pauso dantzatu behar izan zituzten txistuaren erritmora eta Arin arineko beste 8  pauso trkitiarekin.
Sari banaketaren ostean podiumeko lehen hiru postuak honela geratu ziren.
1.- Laura Bastida Eta Ekain Uzkudun / Azpeitiarrak
2.- Iker Belintxon Eta Katerin Artola/ Lezo Eta Oiartzun
3.- Itziar Bastida Eta Anaitz Lizartza/ Azpeitia
Zorionak guztiei eskeini ziren mailagatik.

Trikitixa eta panderoko ikasleen Entzunaldia

triki entzun

Ekainaren 19an eta 18:30etan, asteazkenean, arratsaldeko 6:30etan hirugarren hiruhileko entzunaldiei amaiera emateko, trikitixa eta panderoko ikasleen entzunaldia ospatuko da Elkarguneko “Oteiza” aretoan. Hona hemen egitaraua:

Ikasturte amaierako Jaialdia Baztartxon

Kartela web

Baztartxo Antzokian, ekainaren 14an, 19:00etan (ostirala), Bizkargi Musika eta dantza eskolako ikasleen eskutik, ikasturte amaierako Jaialdia ospatuko da. Partehartzaile ugari izango dira, adin guztietako ikasleek parte hartuko dute, txikienetatik hasi, gurasoak eta baita adin guztietako helduak ere. Musikariak, orkestra, abesbatza, euskal musika tresnak, dantzariak e.a. bertan arituko dira.  Jarduera inklusiboa izango da, Marea urdinaren kolaborazioarekin kontatzen dugu. Hona hemen egitaraua:

Asteburu oparoa Dantzari bikoteentzat

DantzAsteburu

Joan den asteburua oparoa izan dugu Azkoitiko Bizkargi  Musika eta Dantza Eskolako bikoteentzat Dantza Suelto Txapelketetan.
Larunbatean arratsaldeko 17:30 tan ospatu zen Errezilgo VII. Dantza Suelto Txapelketa, aurten lehen aldiz helduen kategorian. Bertan bederatzi bikote lehiatu ziren Azkoitia- Azpeitia- Errezil- Legazpi- Bergara- Oiartzun- Lezo eta Sopela herriak ordezkatuz.
Lehen hiru sailkatuak honako hauek izan genituen.
1.- Saioa Galarraga eta Julen Murgiondo Bergararrak
2.- Katerin Artola eta Iker Belintxon Oiartzun eta Lezokoak.
3.- Laura Bastida eta Ekain Uzkudun Azpeitiarrak
Igandean berriz, eguerdiko 12tan Leioako XIX. Jota txapelketa ospatu zen, Gazte eta Helduen mailan. Gazteen mailan 9 bikote aritu ziren lehian, Azpeitia- Aduna- Villabona- Larraul eta Oiartzun ordezkatuz.
Eta sailkapena lehen hiru postuetan honakoa izan zen.
1.- Maitane Irurzun eta Gorka Duran- Aduna- Villabona
2.- Itziar Bastida eta Anaitz Lizartza- Azpeitia
3.- Jone Arriaran eta Eki Aizpuru- Azpeitia
Helduen mailan berriz 10 bikote aritu ziren nor baino nor, Azpeitia- Azkoitia- Bilbo- Bergara- Oiartzun- Lezo- Errezil- Sopela eta Legazpi ordezkatuz.
Eta lehen hiru postuetan honako bikote hauek sailkatu ziren.
1.- Laura Bastida eta Ekain Uzkudun – Azpeitia
2.- Katerin Artola eta Iker Belintxon- Oiartzun- Lezo
3.- Irati Lopez eta Gorka Granado- Sopela
Zorionak guztiei eskeini zuten mailarengatik.

Flauta Topaketa Legazpian

flautaTopaketa

Ekainaren 8an, eguerdiko 12:30etan, Legazpiko Latxartegi Antzokian ospatuko da FLAUTA TOPAKETA. Bertan parte hartuko dute herri ezberdinetako musika eskoletako ikasleak, beraien artean Azkoitikoak:  Maite Rodriguez, Helene Perez, Irati Juaristi, Nahia Odriozola, Nikole Aranbarri, Nerea Dominguez, Igor Bravo.