2019 - 11 - 22

Araitz Etxaniz-Enaitz Alberdi 1. saria Artadiko XXI. Trikitilari gazteen txapelketan

ARAITZ ENAITZ1-2019

Araitz Etxaniz, trikitilari azkoitiarra eta Enaitz Alberdi panderojole azpeitiarrak osatzen duten bikoteak, bigarren saria lortu zuen larunbatean Errezilen ospatutako trikitilari txapelketan eta igandean 1. saria ARTADIKO XXI. TRIKITILARI GAZTEEN TXAPELKETAN. ZORIONAK!

2017an jaiotako haurrentzat MUSIKA HEZKUNTZA GOIZTIARRA

goiztiarra4

Ikasturte honetarako berriro ere 2017an jaiotako umeei zuzendutako Musika Hezkuntza Goiztiarra eskainiko diegu ostiraletan (ordubeteko saioak, haurrak guraso batekin).
2 urteko 2 gela irekiko dira:  “A” Taldea 17:15etatik 18:15etara eta “B” Taldea: 18:15etatik 19:15etara. Informazioa zuzenekoa bertan emango da eta horretarako, bihar ostirala, arratsaldeko 5:30etan bilera bat antolatu da musika eskolako 5. gelan.
Gonbidapena luzatzen diogu bai aldez aurretik matrikula egina duten ikasleen gurasoei  (hauek lehentasuna izango dute ordutegia aukeratzean) eta baita interesaturik dauden guraso guztiei ere inongo konpromesurik gabe.
Nahi duenarentzat, Irakasle berriarekin bilera ondoren ate irekiak antolatu dira.

Musika Hizkuntza ikasteko metodologia berriaren aurkezpena

prestatzeko

Bizkargi Musika eta Dantza Eskolak, bere ikasketa proiektuaren baitan, musika hizkuntza ikasi nahi dutenentzat  “Aula Virtual Musica” izeneko metodo interaktiboa abian jarri du. Joan zen ostiralean, irailaren 13an 1. mailako ikasleen gurasoekin egin zen bilera bat metodoa aurkezteko asmoarekin. Ikasturte honetan 1. mailan hasi dira, datorrenean lehenengo eta bigarrengoan eta horrela, dena ondo badoa urte batzuetan ikasketa prozesu guztia aldatuta izango dute.
Metodo hau 20 unitate didaktikoetan banatuta dago eta bost atal ditu unitateko. Sistema hau gaur egungo premietara egokituta dago, tresna bezala, ohikoak diren musika tresnen gain pantaila interaktiboaren bidez ikasleak askoz ere modu erakargarriagoan  ikasteko aukera dauka. Horrekin batera, irakasleak klasetik kanpo ikasleak egiten duen lanari  jarraipena egiteko aukera ere izango du. Eta, gainera, sistema honek ikasketa pertsonalizatua ahalbidetzen du.
Lehen Hezkuntzako haurrei nahiz helduei zuzenduta dago eta orain arte oso harrera ona izaten ari da hainbat zentroetan. Ikasleek klaserako testu liburua dute, euskaraz, pentagramadun liburuxka eta guzti, eta, horrez gain, edozein gailu erabilita interneten sartzeko lizentzia, horrela musika hezkuntzako ikasketetan nahi beste sakondu ahal izateko. Besteak beste, programa honi esker klasean landutako edukiak berrikusteko aukera ere badago.
Metodologia honen sortzaileak Cristobal Navarro eta Sergi Rajadell dira, lehelena, musikaren historian eta zientzian lizentziatua eta bigarrena, musikako irakaslea. Bestalde, Juan Carlos Rovira kudeaketa arduraduna da, denak Valentziarrak. Hizkuntzari dagokionez, material guztia hizkuntza ezberdinetan editatuta dago. (valentziarrez, katalanez, gaztelaniaz, ingeleraz). Euskarari dagokionez, momentu honetan, liburuak euskaraz daude eta plataforma ere prozesu horretan dago. Lan gehiena audioak aldatzea eramango diote baina hori egiteko konpromisoa hartu dute eta hasi dira horretan.
Sortzaile hauen lan filosofia irakasleen arteko interakzioan oinarritzen da,  irakasleen papera ezinbestekotzat hartuz gelan. Horregatik, metodo hau ez dago salgai partikularrentzat baizik eta musika eskoletako ikasleentzat. Bestalde, irakasleen komunitatearen bidez, informazioa, esperientzien trukaketak, ideiak eta hobekuntza-proposamenak egiteko aukera paregabea ematen du.

Bergarako nagusien 34. dantza suelto txapelketan 2. eta 3. sariak

laukotea

Joan zen asteburuan Bergaran ospatu zen bikote agusien 34. dantza suelto txapelketa. Hamaika taldeen artean lehiatu ondoren, bikote onena Saioa Galarraga eta Julen Murgiondo bertarratarrentzat izan zen. Bigarren saria LAURA BASTIDA eta EKAIN UZKUDUNek lortu zuten eta hirugarrena ITZIAR BASTIDA eta ANAITZ LIZARTZA, bikote biak azpeitiarrak eta Bizkargi Musika eta Dantza eskolako ikasleak. Zorion beroenak guztientzat, baita beraien irakaslea den Aitor Sorazuri ere!

EUSKAL DANTZAK: Nagusien Talde berria

dantzahelduak

Gure dantzak ikasi nahi dituzu? Berria bazara, oraintxe duzu garaia ikasteko Aitor Sorazu irakaslearen gidaritzapean. Talde berri bat osatzen ari gara. Animatu zaitez!

Informazio gehiago nahi izan ezkero deitu 943851070 zenbakira (goizez 9:30-11:30 edo arratsaldez 16:00 – 18:00)  edo idatzi helbide honetara: bizkargi@bizkargimusikaeskola.com
Maiztasuna: astean 2 egun, asteartea eta osteguna.
Ordutegia: 19:30-20:15
Hileko kuota: 31€
Lekua: Bizkargi Musika eta Dantza Eskola