2020 - 09 - 24

Irailak 7 – 2020-21 ikasturtearen hasiera musika eskolan

hitzak

Irailaren 7an “BIZKARGI” Musika eta Dantza Eskolak 2020-21eko ikasturte berriari hasiera emango dio eskaintza honekin: Haurrentzako: Musika Hezkuntza Goiztiarra
, Musika Tailerrak: (3-6 urte) 
Dantza Tailerrak: (4-6 urte). Guztientzako: Musika Hizkuntza, Harmonia, Abesbatza,  Banda Gaztea, Euskal Dantza
. Instrumentuak: Pianoa, Akordeoia, Biolina, Zeharkako Flauta, Klarinetea,  Saxofoia, Tronpeta, Tronboia, Tuba, Bonbardinoa, Perkusioa, Gitarra, Bateria, Trikitixa, Panderoa, Txistu.  Helduentzako: Euskal Dantza eta  Musika Tailerrak.  Irailaren 4arte aukera izango da matrikula egiteko,  baina bakarrik plazak libre dauden ikasgaietan.

Irailaren 1etik  4ra bitartean, IDAZKARITZA irekita egongo da ordutegi honetan:
goizez 9:30etatik 11:30etara, eta arratsaldez, 5:30etatik 7:30etara. Hona hemen egutegia:

Download (PDF, 97KB)

Musika Hezkuntza Goiztiarraren 1. aurkezpena: irailak 8 – 16:00etan

Goiztiarra2021

Joan zen ikasturtean bezalaxe, aurten ere Musika Hezkuntza Goiztiarreko Tailerrak abian jarriko ditugu. Aurtengoan, 2018an eta 2019an jaiotako haurrentzako taldeak atera dira. Informazioa helarazteko asmoarekin irakasleak 2 aurkezpen egingo ditu. Bat, irailaren 8an, arratsaldeko 4etan, 2019an jaiotako haurren saioak aurkezteko eta bestea irailaren 11n, arratsaldeko 6:15etan, 2018an jaiotako haurren saioak aurkezteko.

Hona hemen ikasturtean zehar egingo diren saioen ordutegiak:

  • 2019an jaiotakoentzat, asteartean,  arratsaldeko 4etan.
  • 2018an jaiotakoentzat, ostiralean, arratsaldeko 6:15etan.

Bietan ordubeteko saioak emango dira.

Bestalde, azpimarratu nahi dugu helburu nagusien ezagutzaren garrantzia, hau da:
*Musika maitatzearen gogoa piztea
*Musikaren bidez ume eta gurasoen arteko harremanak indartzea
*Umearen garapen integrala lortu musikaren bidez.
*Zenbait gaitasun musikalak garatzea; baita, gaitasun erritmiko-psikomotorea, ahotsa, entzumena eta musika tresnen bidez sustatzen direnak ere.
*Gurasoei zenbait errekurtso ezagutaraztea: haur kantak, poesiak, ipuin musikalak, dantzak, jolasak, psikomotrizitateko ariketak…
Saio hauetan parte hartzeko, kontuan izan ezinbestekoa dela ikaslea bere guraso edota arduradun batekin etortzea.

OHARRA: 1. aurkezpenean partehartzea librea da, hau da, matrikulatu beharrik ez dago baina kopurua mugatua denez, ezinbestekoa da aldez aurretik telefonoz (943/851070) ,  aurrez aurre edo postaz (bizkargi@bizkargimusikaeskola.com)  izena ematea.

Nagusientzako Musika Tailerra: aurkezpena, irailak 8

NAGUSIAK2021

Ikasturte honetan, Bizkargi Musika eta Dantza eskolak ikasle Nagusientzako Musika Tailerrak antolatu ditu. Talde batek urteak daramatza lanean eta osatuta dago baina eta aurten, beste talde bat aterako da. Astean ordubete saioa izango da: ASTEARTEAN, arratsaldeko 6:15etan.
Helburuak: memoria trebatzea, birgaitze fisikoa bultzatzea, parte-hartzea handitzea, estutasuna gutxitzea, sozializazioa bultzatzea, erlaxazioa handitzea, autoestima hobetzea, komunikazioa eta integrazioa sustatzea eta sormena bultzatzea.

OHARRA: aurkezpenean partehartzea librea da, hau da, matrikulatu beharrik ez dago baina kopurua mugatua denez, ezinbestekoa da aldez aurretik telefonoz (943/851070) ,  aurrez aurre edo postaz (bizkargi@bizkargimusikaeskola.com)  izena ematea.

BARRENETIK SENTITU, BIZI, MUSIKA GOZATU

BIZKARGIMatrikula

Anima zaitez! Barrenetik sentitu, bizi, musika gozatu! Ikusi bideoa:  BIZKARGI MUSIKA ETA DANTZA ESKOLA-AZKOITIA

Irailaren hasieran, musika eskola guztiak matrikulazio epeak berriro ere irekiko ditugu. Helburu ezberdinak izango dituzte gerturatzen diren ikasleak,  instrumentu bat jotzea, dantza egitea, abestea edo hainbat musika edo dantza taldeetan parte hartzea. Mota guztietako aukerak izango dituzte, musika tresna klasikoak, modernoak eta sustrai tradizionalekoak. Gainera, dantza taldeetan edota mota guztietako musika taldeetan ere parte hartzeko aukera izango dute, abesbatza, banda, musika talde modernoa, konbo ezberdinak, ea. Gerturatu zaitezte eskolara eta informazio guztia eskuratzeko aukera izago duzue.

Ondo pasa oporrak!

OPORRAK 2020-3

Azkenean iritsi dira oporrak, bai. Atsedena hartu eta indarberrituta etorri datorren ikasturteari aurre egiteko!!!. Gogoratu datorren irailaren 1etik 4ra, biak barne, matrikula egiteko azken epaldia irekiko dela baina aukera hau bakarrik izango da libre geratu diren plazak osatu arteko ikasgaietarako . Eskaintza hauxe izango dugu aukeran: haurrentzako: Musika Hezkuntza Goiztiarra (1-2 urte), Musika Tailerrak: (3-6 urte), Dantza Tailerrak: (4-6 urte). Guztientzako: Musika Hizkuntza – Harmonia – Abesbatza – Euskal Dantza.  Instrumentuak: Pianoa, Akordeoia, Biolina, Zeharkako Xirula, Klarinetea,  Saxofoia, Tronpeta, Tronboia, Tuba, Bonbardinoa, Perkusioa, Gitarra, Bateria, Trikitixa, Panderoa, Txistu.  Helduentzako: Euskal Dantza eta  Musika Tailerrak.
Bestalde, IRAILAREN 1etik 4ra, IDAZKARITZAko ordutegia hauxe izango da:
goizez 9:30etatik 11:30etara, eta arratsaldez, 5:30etatik 7:30etara. Bitartean, harremanetan jartzea nahi izan ezkero idatzi helbide honetara: bizkargi@bizkargimusikaeskola.com

Hona hemen 2020-21ko egutegia:

Download (PDF, 97KB)

2020-21 Ikasturtea: Musika Hezkuntza Goiztiarra – ate ireki birtualak

Goiztiar portada

Datorren ikasturterako (0-2 urteko umeentzat) Musika Hezkuntza Goiztiarra izeneko jarduerari buruz ate irekiak antolatuta zeuden. Egungo egoera berezi hau bizitzen ari garenez, momentuz, Itsasne Fernandez, irakasleak abian jarri duen Youtubeko kanal honen bidez: Musika Hezkuntza Goiztiarra posible izango duzue batetik, bera ezagutzea eta bestetik zuzenean ikustea jarduera honen adibide batzuk. Horrez gain, hona hemen jarduera honen ezaugarri nagusienak:

MAIZTASUNA: astean behin, ordubeteko saioa emango da.
RATIOA: gehienez 10 ume. Adin honetan, ezinbestekoa da guraso edo familiako baten partaidetza aldi bakoitzean pertsona bera ez etorri arren.

HELBURUAK:
•    Musika maitatzearen gogoa piztea.
•    Musikaren bidez ume eta gurasoen arteko harremanak indartzea.
•  Umearen garapen integrala lortu musikaren bidez, Hau da, gaitasun kognitiboak, psikomotoreak, afektiboak, sozializazioa eta komunikazioa garatzea  banakotasuna  eta berezkotasuna galdu gabe.
•    Zenbait gaitasun musikalak garatzea: hala nola, gaitasun  erritmiko-psikomotoreak, ahotsa, entzumena eta musika tresnen bidez sustatzen direnak.
•   Gurasoei zenbait errekurtso ezagutaraztea: haur kantak, poesiak, ipuin musikalak, dantzak, jolasak, psikomotrizitateko ariketak,…

2020-21 Ikasturterako Matrikulazioa: epeak eta prozedura berria

Matrikulazioa

Matrikulazio-prozesua gauzatzeko zenbait aldaketa ezarri behar izan ditugu, batetik, segurtasun-neurrien eskakizunak betetzeko eta, bestetik, prozesua ahalik eta modu arinenean burutzeko. Beraz, aurten, matrikulazioa jarraian azaltzen den moduan gauzatuko da:

  1. Musika Eskolara 9:30etatik 11:30etara edo 18:00etatik 20:00etara bitartean etorri behar da.
  2. Bertaratutakoan zenbaki bat emango zaio bakoitzari.
  3. Zenbaki horrek adierazten duen hurrenkeran eskolatik deituko zaizue matrikula telefono bidez egiteko.
  4. Matrikularen egiaztagiria etxera bidaliko zaizue posta elektronikoaren bidez.
  5. Matrikularen zenbatekoa iraileko kuotarekin batera kobratuko da.

OHARRAK:

  • Pertsona batek norbere familia-unitatekoa ez den beste familia-unitate bateko kideak matrikula ditzake.
  • Ez da plazarik gordeko ez telefonoz eta ezta emailez ere.

MATRIKULA EGITEKO EPEAK

LEHEN EPEA: maiatzaren 18tik 29ra (biak barne)

Eskolako ikasleak direnak bakarrik matrikula daitezke.

BIGARREN EPEA: ekainaren 1etik 22ra (biak barne)

Ikasle berriak eta 1.epean matrikulatu ez diren eskolako ikasleak matrikula daitezke.

OHARRA: Bigarren epe honetan matrikulatu diren ikasle guztiek (eskolako ikasleek zein ikasle berriek) euren matrikula-inprimakian agertzen den zenbakiaren hurrenkerari jarraituz aukeratuko dituzte talde-ordutegiak.

MATRIKULEN PREZIOAK

  • Ikasgai bakarra: 17€ guztira
  • Ikasgai bat baino gehiago: 22€ guztira

OHARRA: Familia Ugariko kideek %50eko murrizketa izango dute matrikulen zenbatekoan.

IDAZKARITZAKO ORDUTEGIA: ekainaren 22tik 30era, goizez bakarrik: 9:30etatik 12:30etara

Ordutegi horretatik kanpo harremanetan jartzeko, mezua bidali helbide honetara: bizkargi@bizkargimusikaeskola.com eta idatziz erantzuna emango dugu.

Musika Hizkuntza-Plataforma online bidez – orain #etxetikmusikaikasten

musika hizkuntza

Ikasturte honen hasieran jakinarazi genuen Musika Hizkuntzako 1. mailako ikasleekin Metodologia berri batekin lanean hasiko ginela. Metodologia hau plataforma digital baten bidez diseinatuta dago, bere izena AulaVirtual da. Egoera berezi honetan egileek aukera eman digute ikasleei eta irakasleei sarbidea dohainik eskuratzeko. Behean daukazue informazioa plataforma honetan sartzeko. Bertan, azaltzen dira 5 esparru ezberdinak:

IKASGAIAK: entonazioa lantzeko musikaren laguntzarekin

DIKTAKETAK: entzumena lantzeko

ERRITMIKA: erritmoko ariketak lantzeko, ohiko modura baina betiere musikaren laguntzarekin, abiadura ezberdinetan. Baita Diktaketa erritmikoak ere bertan daude.

TEORIA: gai teorikoak daude eta esteka bat azalpen bideoekin.

JOKOAK: hemen joko didaktikoa dago betiere lotura zuzena duena tokatzen den gaiarekin.

Beste  material gehigarria dago baita BALIABIDEAK jartzen duen tokian. Jatorrizko bertsioa gaztelaniaz egin zuten eta pixkanaka hizkuntza ezberdinetara itzulpenak egiten ari dira. Gure eskolan euskarazko bertsioarekin ari gara lanean ordaindutako bertsioarekin eta horrelaxe jarraituko dugu. Doako bertsioa gaztelaniaz dago, hala ere sarbidea ematen digute liburu bakoitzeko azken 7 unitateetara eta gauza gehiengoak praktikoak dira.

MATERIALA PLATAFORMA HONETAN DAGO:

https://lenguajemusicalinteractivo.com/

MATRIKULA-EPEARI BURUZKO INFORMAZIOA

matrikula20-21

Oraingoz, matrikulazio epea ezin dugu argitaratu. Hezkuntza Sailak baimendu orduko hasiko dugu matrikulazio-prozesua. Egoera honek irauten duen bitartean,  eskolako ikasleekin posta bidez (bizkargi@bizkargimusikaeskola.com) jarriko gara harremanetan unean uneko jakin beharreko informazioa helarazteko. Bestalde eta ikasle berrientzat, 2020-21eko matrikulazio epe berriari buruzko informazioa, web gune honetan  (www.bizkargimusikaeskola.com) zintzilikatuta egongo da.

Oraingoz, hona hemen  datorren ikasturterako antolatuta dauden Talde-ordutegiak:

Aukeratu zure abesbatza eta gozatu abesten!

Web Koro

BIZKARGI Musika eta Dantza Eskolaren helburuen artean, talde-ekintzak bultzatzea garrantzitsuenetako bat da. Horien artean, ABESBATZA  betiere arrakastatsuenetakoa da eta aurten ere bide horretatik jarraitzeko asmoarekin, herriko gazteei bideratutako deialdi ireki bat egin nahi dugu.
AUKERATU ZURE ABESBATZA eta GOZATU ABESTEN!:
“A” aukera- 10-11 urte bitarteko gaztetxoentzat – entsegu egunak: ASTEAZKENA ETA OSTIRALA 14:00etatik – 14:45etara edo
“B” aukera - 12 urtetik aurrera – entsegu egunak: OSTIRALA 15:30etatik – 16:30etara

Baldintzak:
•Ez da beharrezkoa musika eskolan aldez aurretik matrikulatuta egotea.
•Ikasturtean zehar antolatzen diren emanaldietan parte hartzea.
Musikaren heziketan garrantzitsua  ikusten dugu ikaslearen partehartzea  talde-ekintzetan, bai ahots taldeetan baita instrumentu taldeetan ere Musika Eskola guztietako helburu nagusienetakoa baita. Ikaslearen motibazioa indartzeko lehenbailehen aukera eman nahi diegu ikasitakoa praktikan jartzeko  nahiz eta teknika aldetik maila handirik ez izan. Gure asmoa, gehien bat  musika egitea eta zaletasuna sortzea da, ez interprete handiak sortzea.

Musika Eskolako Abesbatzetan parte hartzea nahi duenak, finkatutako egutegia bete beharko du, bai entseguei eta baita emanaldiei dagokiona ere.